| e-texts navigator |
| Wylie |
92b1 བ།། དཀྱིལ་འཁོར་གྲུ་བཞི་ལྷམ་པ་ལ།། དབུས་ནི་ཟླུམ་དང་ཟླ་གམ་སྒོ་གཅིག་པ།། ཟླ་གམ་ཕྱིར་བལྟས་ནང་བལྟས་བརྒྱད།། དེ་ལ་རིན་ཆེན་རྒྱན་དང་ལྡན།། གྲུ་བཞི་སྒོ་དང་སྒོ་ཁྱུད་བཅས།། མཐའ་མ་མེ་རི་འབར་བ
92b2 ནི།། དེ་ནི་གྲུབ་པ་ཚེ་ཡི་ཡིན།། དེ་ལྟར་རིམ་པར་བསྒྲུབ་པའོ།། ཧཱུཾ་མཛད་ཆེན་པོའི་རྒྱུད་ལས། དཀྱིལ་འཁོར་བསྟན་པའི་ལེའུ་སྟེ་གཉིས་པའོ།། །། པདྨའི་སྲས་ཀྱི་དམ་པ་ཧེ་རུ་དེས།། དབང་གི་རྒྱལ་པོ་ལ་འདི
92b3 སྐད་ཅེས་གསོལ་ཏོ།། ཀྱེ་མ་བཅོམ་ལྡན་དབང་མཆོག་ཆེ།། ཡི་གེའི་དོན་ལ་བདག་ཉན་འཚལ།། གནས་པ་ཇི་ལྟར་གནས་པ་ལགས།། བཟླས་པའི་ཐབས་ནི་ཇི་ལྟར་བགྱི།། ཞེས་གསོལ་ཏོ།། དེ་ནས་ཡང་བཀའ་སྩལ
92b4 པ། ཉོན་ཅིག་སྲས་ཀྱི་དབང་གི་ཧེ་རུ་ཀ། ཡི་གེ་སྲོག་གི་འཁོར་ལོ་སྟེ།། འཁོར་ལོ་ལྔ་ཡི་རྟེན་དུ་གནས།། སྤྱི་བོ་བདེ་བ་ཆེན་པོའི་འཁོར་ལོ་སྟེ།། དབུས་ནི་ཟླུམ་པོ་ཕོ་བྲང་ལ།། དར་དཀར་ཡོལ་དུ་ཕུབ་པའོ།། འདབ་མ
92b5 སུམ་ཅུ་རྩ་གཉིས་སོ།། ལྟེ་བ་ཕོ་བྲང་ཐིག་ལེ་ལ།། ཡི་གེ་ཨོཾ་དཀར་འབར་བ་ལ།། མཐའ་ལ་ཧུ་ལུའི་ཡིག་འབྲུས་བསྐོར་བའོ།། ཨཱ~ཾ་ནི་དཀར་དམར་འཚེར་བ་ལ།། ཡི་གེ་མཐའ་བསྐོར་འཛག་འཛག་འདྲ།། ཧཱུཾ་དར་ཆེན
92b6 བདེ་བ་ཆེན་པོའི་ཕོ་བྲང་ནས།། དར་དཀར་ཡོལ་བྲེས་འོད་ལྡན་ལ།། རྡུལ་གྱི་གསེར་ཆེན་ལུ་གུ་རྒྱུད།། སེམས་ཀྱི་ཡི་གེ་ཨཽ་དཀར་ལ།། མཐའ་མ་ཧུ་ལུའི་ཡིག་འབྲུས་བསྐོར།། གསེར་གྱི་བ་ཐག་གཟེངས་པ
iiif viewer powered by OpenSeadragon
