| e-texts navigator |
| Wylie |
92a1 འཕྲོས།། རླུང་གི་དཀྱིལ་འཁོར་དེ་བཞིན་ཆགས།། ཧཱུཾ་ལས་ཡི་གེ་ར་འཕྲོས་པས།། ཆགས་པའི་རྒྱ་མཚོ་ཆེན་པོའོ།། ཧཱུཾ་ལས་ཡི་གེ་སུ་སེར་འཕྲོས།། གསེར་གྱི་ས་གཞི་སེར་པོ་ཆགས།། ཧཱུཾ་ལས་ཀེང
92a2 འཕྲོས་རི་རབ་བོ།། བང་རིམ་རིམ་པར་ལྡན་པའོ།། ཧཱུཾ་ལས་རཾ་འཕྲོས་མེ་འབར་བའོ།། འབྱུང་བ་རིམ་བཞིན་དེ་ལྟར་བསྐྱེད།། གཞལ་ཡས་ཟླ་གམ་ཁ་སྤྲོད་ལ།། དབུས་སུ་སྒོ་གཉིས་ལྡན་པའོ།། ཟླུམ་པོ་དག་ལ་འཁོར
92a3 ལོ་རྩིབས་བརྒྱད་དང་། གྲུ་ཆད་གྲུ་ཞི་སྒོ་དང་སྒོ་ཁྱུད་བཅས།། དེ་ལྟར་གསལ་བར་བྱའོ།། དེ་ནི་སྒོའི་རིམ་པ་རྩ་བའི་དཀྱིལ་འཁོར་རོ།། དབུས་ནི་ཟླུམ་པོ་ཟླ་གམ་བཅད།། མཐའ་མ་པདྨ་འདབ་མ་བཞི།། གྲུ་ཆད་སྒོ
92a4 དང་བཅས་པ་ནི།། པདྨའི་ལས་ཀྱི་དཀྱིལ་འཁོར་ཡིན།། དཀྱིལ་འཁོར་གྲུ་བཞི་ལྷམ་པ་ལ།། སེམས་ཅན་ཆེན་པོ་གཟུགས་བཞི་སྟེ།། ཟུར་བཞི་དག་ལ་ལུས་བསྐྱོན་ལ།། རྐང་པ་ནང་བརྡོལ་མཚམས་བཞི
92a5 དགོད།། ལག་པ་བར་གྱི་མཚམས་ལ་དགོད།། དེ་ནི་བསད་པ་འབའ་ཞིག་སྟེ།། མ་ཏྲཾ་ཞལ་གྱི་དཀྱིལ་འཁོར་ཡིན།། གྲུ་བཞི་ལྷམ་པའི་དཀྱིལ་འཁོར་ལ།། དབུས་ནི་ཐིག་བཏབ་ལེ་ཚེ་དགུ། དེ་ཡི་ཕྱི་རིམ་ཟླ་གམ
92a6 དགུ།། དེ་ཡི་ཕྱི་རིམ་རིན་ཆེན་འབར་བ་དགུ།། དེ་ཡི་ཕྱི་རིམ་གྲུ་ཆད་ལ།། གྲུ་བཞི་སྒོ་ནི་ཉིས་བརྩེགས་བཅས།། ཁྱམས་དང་སྒོ་ཁྱུད་ལྡན་པ་ནི།། ཁྱད་པར་དབང་གི་དཀྱིལ་འཁོར་རོ།། དེ་ནས་ཡང་ནི་བཤད་བྱ
iiif viewer powered by OpenSeadragon
