| e-texts navigator |
| Wylie |
91b1 ཀའི་ཐུགས། མཐིང་བ་ནི་བཛྲ་ཧེ་རུ་ཀའི་ཐུགས། ལྡང་བ་ནི་ཀརྨ་ཧེ་རུ་ཀའི་ཐུགས་སོ།། རེ་རེ་ལ་སྣ་ཚོགས་སུ་འབར་བ་ཡང་དེ་བཞིན་གཤེགས་པ་ཐམས་ཅད་ཀྱི་ཐུགས་སོ།། དེ་ལས་ཐམས་ཅད་འཐོར་ཞིང་། ཐམས
91b2 ཅད་བསྲེག། ཐམས་ཅད་དབང་དུ་སྡུད་པར་བྱེད་དོ།། དེ་ལྟར་ཐམས་ཅད་ཧཱུཾ་གིས་རྒྱས་པར་མཛད་དོ།། ཧཱུཾ་མཛད་ཆེན་པོའི་རྒྱུད་ལས་གླེང་གཞི་དང་ཧཱུཾ་གི་དབྱེ་བའི་ལེའུ་སྟེ་དང་པོའོ།། །། སྲས་ཀྱི་དམ་པ་ཧེ་རུ་ཀ
91b3 དེས། བཅོམ་ལྡན་འདས་དབང་གི་རྒྱལ་པོ་ལ་འདི་སྐད་གསོལ་ཏོ།། དེ་བཞིན་གཤེགས་པ་ཐམས་ཅད་ཀྱི་བདག་ཉིད། བཅོམ་ལྡན་འདས་དབང་གི་རྒྱལ་པོ་ཆེ། དེ་བཞིན་གཤེགས་པ་ཐམས་ཅད་ཀྱི་བདག་ཉིད་ཡི་གེ
91b4 ཧཱུཾ་དེ་ལས་ཐམས་ཅད་བསྐྱེད་ཅིང་ཆུབ་པར་བྱེད་ན། དེ་ནི་དང་པོ་གང་ལས་བྱུང་།། དེ་ཡིས་འབྱུང་བ་ཇི་ལྟར་བསྐྱེད།། དེ་ལས་ལྷ་ནི་ཇི་ལྟར་ལགས།། བཟླས་པའི་ཐབས་ནི་ཇི་ལྟར་ལགས།། དེ་ལ་ནུས་པ་ཅི་ཙམ
91b5 བདོག། དབང་གི་རྒྱལ་པོས་བཀའ་སྩོལ་ཅིག། ཅེས་གསོལ་ཏོ།། དེ་ནས་བཅོམ་ལྡན་འདས་དབང་གི་རྒྱལ་པོས་བཀའ་སྩལ་པ། ལས་ཐམས་ཅད་ཀྱི་དེད་དཔོན། སྲས་ཀྱི་དམ་པ་ཧེ་རུ་ཀ། ཧཱུཾ་ལས་ཐམས་ཅད་འབྱུང་བ
91b6 སྟེ།། དང་པོ་ཆོས་ཉིད་དབྱིངས་ནས་ཤར།། ཐམས་ཅད་སྲོག་གི་ས་བོན་ཡིན།། དེ་ཡིས་ཇི་ལྟར་འདོད་པར་འགྲུབ།། འབྱུང་བ་བསྐྱེད་པའི་རིམ་པ་ནི།། ཧཱུཾ་ལས་ཨེ་འཕྲོས་ནམ་མཁའོ།། ཧཱུཾ་ལས་ཡཾ་གྱི་གཙར་དུ
iiif viewer powered by OpenSeadragon
