| e-texts navigator |
| Wylie |
91a1 པ་དང་མེ་ལྷ་ཧོམ་ཁུང་དུ་བཞུགས་པ་ལ་མཆོད་དེ། སླར་གཤེགས་སུ་གསོལ་བའི་སྔགས་བརྗོད་ལ། ལ་གོར་ཧོམ་ཁུང་ཁ་བཅད་དེ། མནན་པའི་ཕུར་པས་སྟེང་ནས་གདབ་བོ།། རྡོ་རྗེ་དྲར་མོའི་ཏནྡ
91a2 ལས། རྡོ་རྗེ་སེམས་དཔའ་ཞལ་གདངས་ཀྱི་ཧོམ་རྒྱུད་ཀྱི་ལེའུ་སྟེ་བཅུ་པའོ།། །། རྡོ་རྗེ་སེམས་དཔའི་ཞལ་གདངས་ཀྱི་མ་རྒྱུད་རྫོགས་སོ།། བར་འདིར་སྐུ་གདུང་འབར་བ་ཚ་ཚ་མཆོད་རྟེན་གྱི་རྒྱུད་འཛུད།།
91a3 །། རྒྱ་གར་སྐད་དུ། མ་ཧཱ་ཧཱུཾ་ཀ་ར་ཏནྟྲ། བོད་སྐད་དུ། ཧཱུཾ་མཛད་ཆེན་པོའི་རྒྱུད། བཅོམ་ལྡན་འདས་དབང་ཆེན་བདུད་འདུལ་རོལ་པ་ལ་ཕྱག་འཚལ་ལོ།། འདས་པའི་དུས་མ་བྱུང་བའི་སྔོན་རོལ་ན། བཅོམ་ལྡན
91a4 འདས་དབང་གི་རྒྱལ་པོ་དེས། སྲིད་པ་ཐམས་ཅད་ཡུམ་ཀུན་ཏུ་བཟང་མོ་གཟི་ལྡན་པདྨ་ཅན་གྱི་མཁར་མཁྱེན་ནས། ཡུམ་གྱི་མཁའ་བདེ་ཀློང་ཆེན་པོ་ནས། དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་རང་བཞིན།
91a5 ཡི་གེ་ཧཱུཾ་དམར་ལ་བཀྲ་བ། སེར་ལ་གསལ་བ་ལས། ཧཱུཾ་ཧཱུཾ་ཞེས་བརྗོད་པས། ཧཱུཾ་གྲངས་མེད་པ་འཕྲོས་ནས། དུག་གསུམ་གྱི་འཁོར་བ་ཐམས་ཅད་གཏན་ནས་སྦྱངས་སོ།། འདས་པ་དང་མ་བྱོན་པ་དང་ད་ལྟར་བཞུགས
91a6 པ་རྣམས་ཀྱི་སྐུ་ཡང་མཚོན་པར་བྱེད་དོ།། ཧཱུཾ་དེ་ལས་སྤྲུལ་པའི་སྐུ་སྣ་ཚོགས་པས་ཀྱང་དོན་མཛད་དོ།། ཧཱུཾ་དེ་དམར་བ་ནི་པདྨ་ཧེ་རུ་ཀའི་ཐུགས། ཧཱུཾ་དེ་དཀར་བ་ནི་བུདྡྷ་ཧེ་རུ་ཀའི་ཐུགས། སེར་བ་ནི་རཏྣ་ཧེ་རུ
iiif viewer powered by OpenSeadragon
