| e-texts navigator |
| Wylie |
90b1 གཏོར་ཡང་དྲུང་དུ་བཞག་ལ། གདོན་ལེན་ཏེ་དྲང་ཞིང་ཧོམ་ཁུང་གི་ནང་དུ་གཟུགས་དྲངས་ལ། དམ་གཏོར་སྦར་ཏེ་དོང་དུ་བཅུག་ལ། མེ་སྨན་ཆུས་མ་ཤི་བ་ཙམ་དུ་བསད་དེ། ཡང་སྦར་འབར་རེས་ལ་ལན་རེ་མཆོད
90b2 ཅིང་། དབྱངས་དང་བསྟོད་པ་དང་བསྐུལ་ཞིང་ལས་བྱ། འདི་བཞིན་ལན་གསུམ་ཙམ་བགྱི། ཧོམ་ཁུང་ནང་དུ་ཆུ་བླུག་པའི་ཚེ།། ཛ་ཡ་ཛ་ཡ། ཞེས་སམ་རྒྱལ་བ་རྒྱལ་བ་ཞེས་བརྗོད་དོ།། ཆུའི་ཆུ་དཔལ་ལན་གསུམ
90b3 གཡེང་ཞིང་བཤལ་བས། འཕགས་པ་ཆུ་དཔལ་དང་ལྷའི་བྱིན་རླབས་ཀྱིས། བགེགས་ཀྱི་གདུག་སེམས་ཞི་ཞིང་། བག་ཆགས་བྱང་བར་བསམ་མོ།། ཧོམ་ཁུང་དངོས་ནི་རིན་པོ་ཆེའི་གཞལ་ཡས་ཁང་ཟུར་ནི་སྐུ
90b4 གསུང་ཐུགས་ཤིང་ནི་རིགས་ལྔའི་ཐུགས་དམ་དང་མ་བདུན་གྱི་འཁོར་དང་ཁྲོ་བོ་དང་ཁྲོ་མོའོ།། མེ་ནི་ཡེ་ཤེས་ཀྱི་རང་བཞིན་ཆུ་ནི་ཆོས་ཀྱི་དབྱིངས་ཀྱི་རང་བཞིན་ཏེ། དགྲ་བགེགས་ཧོམ་ཁུང་དུ་སོང་བ་ཙམ་གྱིས།།
90b5 བག་ཆགས་བྱང་ཞིང་མཐོ་རིས་སུ་ཐར་པའམ། ཡང་ན་འཕགས་པ་རྣམས་དང་མེ་ལྷའི་ཞལ་དུ་དངོས་སུ་བསྟབ་ཅིང་། རྣམ་པར་ཤེས་པ་མཐོ་རིས་སུ་སྦར་རོ།། མནན་པ་ཞིག་བྱ་ན་ཡང་། ཧོམ་ཁུང་དུ་དགྲ་བགེགས
90b6 བཀུག་ལ། ལོ་གྲངས་འདི་ཙམ་ཞིག་བར་དུ་འདི་ནས་གཞན་དུ་འགྲོར་མི་གནང་བར་མཚམས་བཅད་ཅིང་གཟིར་ལ་དམ་ཆུ་དམ་གཏོར་བྱིན་ལ། ཧོམ་ཁུང་ནང་ནས་མེའི་ས་བོན་ཙམ་མན་ཆད་ཕྱིར་དབྱུང་། འཕགས
iiif viewer powered by OpenSeadragon
