| e-texts navigator |
| Wylie |
87a1 དང་། དུག་སྣ་ཚོགས། ནས་ནག་གམ་སྲན་ཕྱེ་རྣམས་བསྲེས་ལ། ཁྲག་སྣ་ཚོགས་དང་བསྲེས་ལ་གཏོར་མ་བྱ། ཁ་སླེའུ་ནག་གིས་བཅད་ལ། གང་ལ་བྱ་བ་དེ་ཁུག་པ་དང་། གཏོར་མ་ཁ་ཕྱེ་བས་དུག་གི
87a2 རླངས་པས་ཤི་བར་བསམས་ལ། གང་ལ་བྱ་བ་ལ་གཏོར་བས་ལུས་ངག་རྡུལ་དུ་བརླག་པར་བསམས་ལ། འདི་སྐད་བརྗོད། ལྕགས་ཕྱེ་དུག་དང་རྡོ་ཕྱེ་རྣམས།། ཁྲག་གིས་སྤྲས་པའི་གཏོར་མ་སྟེ།། མ་རྒ་ཅན་དང་སྦྱར
87a3 བ་དང་།། དྲག་པོར་གྱུར་པའི་གཏོར་མ་སྟེ།། སྦྱོར་བས་དེ་གཏོར་བརླག་པར་གྱུར།། བརླག་པར་མ་གྱུར་གང་ཡང་མེད།། ཙ་ར་ན་མཱ་ར་ཎ་ཕཊ། ཏྲག་ཁཾ་མཱ་ར་ཎ་ཕཊ། ཅེས་བརྗོད་ལ་གཏོར་རོ།། དྲག་པོའི་ལས་ལས།།
87a4 བཤིག་ཁྲལ་གཏོར་མའི་ལེའུ་སྟེ་བཞི་པའོ།། །། དེ་ནས་གཏུབ་པའི་ལས་ནི། གཏན་པ་དྲག་པོའི་ཤིང་ལས་གྲིའམ་རལ་གྲི་ལྕགས་སྣ་ལས་བྱས་པ་སྐུ་གསུང་ཐུགས་དང་ལྡན་པའམ། ཡེ་ཤེས་ཀྱི་མཚོན་ཆར
87a5 དམིགས་ལ། གང་ལ་བྱ་བའི་གཟུགས་དུག་གསུམ་གྱི་གཞི་མོ་རྩད་ནས་གཅད་པར་དམིགས་ལ་གཏུབ་སྟེ་འདི་བརྗོད་དོ།། ང་ནི་དུས་གསུམ་བཞུགས་པ་ཡི།། སངས་རྒྱས་ཡིན་ཏེ་ཡེ་ཤེས་སྐུ།། ཡེ་ཤེས་སྤྲུལ་པའི་བྱིན
87a6 རླབས་ལས།། ཡེ་ཤེས་རྣོ་དཔལ་མཚོན་ཆ་སྟེ།། དྲག་པོར་གྱུར་པའི་མཚོན་ཆ་འདིས།། འདོད་ཆགས་ཞེ་སྡང་གཏི་མུག་རྒྱུ།། འབྲས་བུ་ངན་སོང་གསུམ་དུ་འཁོར།། ལོག་རྟོག་འཁོར་བ་རྒྱུན་གཅོད་དོ།། ཙཀྲ་ཨོཾ་བྲུཾ་ཙཀྲ
iiif viewer powered by OpenSeadragon
