| e-texts navigator |
| Wylie |
84a1 དོ།། ཨེ་ཡི་ཚོགས་ཀྱི་དཀྱིལ་འཁོར་མཆོག། འབར་བའི་གཏུམ་ཆེན་འབར་བ་ལ།། ཁྲོ་བོའི་ཡིད་ཀྱིས་མཆོད་སྦྱིན་བྱ།། སངས་རྒྱས་བསོད་ནམས་སྐུ་ཡང་འཇིག། བདུད་རྩི་ལྔའམ་ཟག་རྫས
84a2 ལ།། མཚན་མའི་མིང་དུ་བཅས་པར་བྱ།། བཀུག་ནས་རྡོ་རྗེ་ཕུར་པས་བཏབ།། རྡུལ་དུ་བྱས་ལ་ཚོགས་སུ་བསྟབ།། སངས་རྒྱས་ཀུན་གྱི་སྐུ་གསུང་ཐུགས།། ཞེ་སྡང་རྡོ་རྗེ་འཁོར་བཅས་ཀུན།། འཇིག་རྟེན་ཁམས་ནི་རབ
84a3 འབྱམས་ཀུན།། ཁྲོ་བོ་ཆེན་པོའི་བྱིན་རླབས་ཀྱིས།། སྐད་ཅིག་ཡུད་ལ་བརླག་མཛད་དེ།། བརླག་པར་མ་གྱུར་གང་ཡང་མེད།། དར་ཕུ་ཙར་བུ་ནར་ཕུ་ཨ་བྷི་ཙ་ར་མཱ་ར་ཎ་ཧཱུཾ་ཕཊ། ཞེས་བསྐུལ་ལོ།། ཨེ་ཡི་ཚོགས་ཀྱི
84a4 དཀྱིལ་འཁོར་དུ།། ལུ་གུ་རྒྱུད་དུ་འབྲེལ་བསྡམས་ནས།། བཅིང་བསྒྱུར་བསྐྱོད་ནས་ཕྱོགས་བཅུར་གཡོས།། མྱོས་ནས་བསད་དེ་ཚིག་པར་འགྱུར།། ཞེས་བརྗོད་དོ།། ལས་ཀྱི་ལེའུ་ལས། དྲག་པོར་སྦྱོར་བའི་ལེའུ་སྟེ
84a5 གསུམ་པའོ།། །། དེ་ནས་ལྷ་ཚོགས་རེ་རེ་རྫོགས་པ་དང་། དྲག་པོའི་ལས་བྱ་བར་གསུངས་སོ།། དེ་ལ་དང་པོར་དྲང་བ་ནི། གོང་དུ་མཆོད་པའི་ཁྲོ་བོ་རྣམས། ཚིགས་སུ་བཅད་པས་རེ་རེ་ནས་བསྐུལ་ཏེ་འདི་སྐད
84a6 བརྗོད་དོ།། ཧཱུཾ་ཁྲོ་བོ་ཉི་མའི་དཀྱིལ་འཁོར་འོད་འབར་བ།། རྔམ་པའི་འོད་ཟེར་དཀྱིལ་ནས་གྲུབ་པ་ཐོག་ཐོག་འཕྲོ།། ཐུགས་རྗེས་གདུག་པ་འདུལ་དུ་གསོལ།། ཨཱརྱ་ཀྲོ་དྷ་ན་ཧཱུཾ་ཕཊ། ཁྲོ་ཆེན་མི་ཐུབ་འབར་བའི
iiif viewer powered by OpenSeadragon
