| e-texts navigator |
| Wylie |
82b1 ཏུ་འབུལ་ལོ།། དེ་ནས་བསྟོད་པ་བྱ། དེ་ནི་དྲག་པོ་བྱ་བའི་ལས་བྱས་སོ།། དེ་ནས་སླར་གཤེགས་སུ་གསོལ། དེ་ནས་ཡང་མེ་སྦྱང་། དེ་ནས་ལྷ་ཕྱི་མ་རྣམས་སྤྱན་དྲངས་ཏེ། གོ་རིམ་གོང་མ་ལྟར་བྱའོ།། དྲག་པོ་ལས་ཀྱི
82b2 གོ་རིམ་ལས། མེ་སྦྱང་བ་དང་། སྤྱན་དྲངས་པ་དང་། གདན་དབུལ་ཞིང་བརྟན་པར་བཞུགས་སུ་གསོལ་བ་དང་། མཆོད་པ་འབུལ་བའི་ལེའུ་སྟེ་དང་པོའོ།། །། དེ་ནས་བསྟོད་པ་བྱ་བ་འདི་སྐད་དོ།། ཧཱུཾ་ཁྱོད་ནི་མགོན
82b3 པོ་རྡོ་རྗེ་འཛིན།། ཁྱོད་ནི་གླང་པོའི་རྣ་བ་ཅན།། ཁྱོད་ནི་བཟང་པོའི་རྒྱན་དང་ལྡན།། ཁྱོད་ནི་རྣམ་པར་གནོན་པ་ཡིན།། ཡོན་ཏན་རིན་ཆེན་འབྱུང་གནས་ཁྱོད།། ཁྱོད་ནི་བདེ་བ་སྦྱིན་པ་སྟེ།། ཁྱོད་ནི་གཟུགས་ནི་མཛེས
82b4 པའི་རྒྱན།། ཁྱོད་ནི་མེ་ལྷ་རལ་པ་ཅན།། ཁྱོད་ནི་གཟུགས་ནི་མཛེས་པ་ཡིན།། དེ་ནས་དྲག་པོ་སྦྱོར་བའི་ལས་དང་སླར་གཤེགས་སུ་གསོལ།། དེ་ནས་ཡང་མེ་སྦྱང་། ཕྱི་མ་སྤྱན་དྲངས་གདན་དབུལ་བ་དང་། བཞུགས
82b5 སུ་གསོལ་བ་དང་།། སྲེག་རྫས་མཆོད་པ་རེ་རེ་དང་། རྩ་བའི་སྔགས་རེ་རེ་དང་སྦྱར་ཞིང་། བདུན་གསུམ་ཉི་ཤུར་དབུལ་ལོ།། རྡོ་རྗེ་སེམས་དཔའ་ཐུགས་རྗེས་འགྲོ་དོན་དུ།། འཇིགས་བྱེད་འབར་བའི་རོལ་པའི་སྐུར
82b6 སྟོན་པ།། ཡེ་ཤེས་བསྐལ་པ་མེ་ཆེན་འབར་བའི་འོད།། སྲིད་གསུམ་མ་རིག་མུན་གསལ་གཏིང་ནས་འཇོམས།། གཞན་གྱིས་མི་ཐུབ་སྐུ་གསུང་ཐུགས་དང་ལྡན།། ཁྲོ་རྒྱལ་ཐུགས་རྗེས་རོལ་ལ་ཕྱག་འཚལ་ལོ།། ཧཱུཾ་མི
iiif viewer powered by OpenSeadragon
