| e-texts navigator |
| Wylie |
81b1 སྦྱིན་སྲེག་གི་ལེའུ་སྟེ་དང་པོའོ།། །། དེ་ནས་འདི་སྐད་དུ།། ང་ནི་སྔགས་མཁན་རྒྱལ་པོ་སྟེ།། ཁམས་གསུམ་ཐུགས་རྗེ་དཔལ་གྱི་ཞིང་།། ང་ནི་ཕྱག་རྒྱ་ཆེན་པོ་སྟེ།། རྒྱལ་བ་རིགས་ཀྱི་ཐུགས་དམ་ཡིན།། ང་ནི་སྨན
81b2 པའི་རྒྱལ་པོ་སྟེ།། ཐུགས་རྗེ་དབང་གི་དཀྱིལ་འཁོར་དུ།། ཡེ་ཤེས་འབར་བའི་མེ་བྱུང་བས།། སྲིད་པའི་རྩེ་མོ་མན་ཆད་ནས།། དམྱལ་ཁམས་གནས་རིས་ཡན་ཆད་དུ།། དཀོན་མཆོག་གསུམ་དང་བྱང་ཆུབ
81b3 སེམས།། འཇིག་རྟེན་ལྷ་དང་སྲིད་པའི་དཔལ།། གནས་རིས་ཀླུ་དང་དུག་རིས་སྨན།། ལྷ་སྲིན་སྡེ་བཅུའི་གནས་རིས་སུ།། མེ་ལྕེ་མཚོན་གྱིས་སྨས་པ་རྣམས།། ཐུགས་རྗེ་དབང་གི་དཀྱིལ་འཁོར་དུ།། གསང
81b4 སྔགས་ཐབས་ཀྱི་ཕྱག་རྒྱ་ཡིས།། བདུད་རྩི་སྨན་གྱིས་གསོ་བར་བྱ།། དེ་ཕྱིར་སྨན་པའི་རྒྱལ་པོ་སྟེ།། སྐྱེས་མཆོག་ང་ཡི་ལས་བྱས་ནས།། བགེགས་ཀྱང་བཏུལ་ནས་བྱང་ཆུབ་སེམས།། དུག་ཀྱང་སྦྱངས་ནས་སྨན་གྱི
81b5 མཆོག། སྨན་དུ་མ་གྱུར་གང་ཡང་མེད།། མེ་ལྕེས་སྨྲས་པ་གསོས་པར་ཤོག། དཔལ་གྱིས་ཚིག་པ་གསོས་པར་བྱེད།། དེ་ནས་མེ་ལྷ་སླར་གཤེགས་སུ་གསོལ་བ་ནི།། མེ་ལྷ་ཨགྣེ་སྦྱིན་སྲེག་ལྟ།། ཁྱོད་ཀྱིས་སེམས་ཅན
81b6 ཀུན་གྱི་དོན།། ཚུལ་བཞིན་དུ་ནི་མཛད་ལགས་ཀྱིས།། སངས་རྒྱས་ཡུལ་དུ་གཤེགས་སུ་གསོལ།། གཙྪ་མུ། ཞེས་ཤར་ལྷོ་མཚམས་སུ་གཤེགས་སུ་གསོལ།། ཁྲོ་བོའི་སྤྲིན་སྲེག་ལས་ཀྱི་ལེའུ་ལས།། མེ་ལྕེ་མཚོན་གྱིས
iiif viewer powered by OpenSeadragon
