| e-texts navigator |
| Wylie |
80b1 སྔགས་མཁན་རྒྱལ་པོ་རྣམས།། ཆག་ཉམས་ཕམ་ལྟུང་འཕྲོ་བསབས་ནས།། ཡུན་གྱི་སྒྲིབ་པ་བྱང་གྱུར་ཅིག། སྦྱིན་སྲེག་ལས་ཀྱི་ལེའུ་ལས།། རྫས་ཀྱི་སྦྱིན་སྲེག་གི་ལེའུ་སྟེ་ཐ་མའོ།། །། དེ་ནས་སྦྱིན་སྲེག་བྱ་བ་ནི།།
80b2 ཤ་ཁྲག་བསྲེགས་པའི་མཆོད་པ་འདིས།། དུར་ཁྲོད་འབར་བའི་དཀྱིལ་འཁོར་དུ།། ཁྲོ་མཆོག་རྒྱལ་པོ་སྤྱན་དྲངས་ཏེ།། སྔོན་གྱི་སྒྲིབ་པ་སྦྱང་བའི་ཕྱིར།། ཕྲིན་ལས་རྣམ་བཞིར་མངའ་གསོལ་གྱིས།། ལས་ཀྱི་འབྲས་བུ
80b3 མཆིས་པར་མཛོད།། སྲན་ཆེན་བསྲེགས་པའི་མཆོད་པ་འདིས། ཕྲ་མེན་ཚོགས་དང་དབང་ཕྱུག་འཁོར།། ཕོ་ཉ་དྲུག་ཅུ་ཕྱག་རྒྱའི་ཚོགས།། ཐུགས་དམ་ཡོངས་སུ་བསྐངས་གྱུར་ནས།། ཕྲིན་ལས་རྣམ་བཞིའི་དབང་བྱིན
80b4 ནས།། ལས་ཀྱི་འབྲས་བུ་མཆིས་པར་མཛོད། ལྕགས་ཕྱེ་བསྲེགས་པའི་མཆོད་པ་འདིས།། ལྷ་སྲིན་སྡེ་བརྒྱད་གནས་སུ་རྣམས།། གནོད་ཅིང་འདུལ་བའི་རྐྱེན་བྱེད་རྣམས།། རྡོ་རྗེ་ལྕགས་ཀྱུའི་འཕྲོ་འདུ་འདིས།། གདུག
80b5 པའི་ལུས་ངག་རྒྱུད་བརླགས་ནས།། བྱང་ཆུབ་ཀློང་དུ་བསྒྲལ་བྱས་ནས།། ཁྲོ་ཚོགས་འབར་བའི་ཞལ་དུ་བསྟབ།། རྡོ་ཕྱེ་བསྲེགས་པའི་མཆོད་པ་འདིས།། དམ་འདས་སྲི་དང་ལས་ངན་བགེགས།། གཏུམ་ཆེན་འབར
80b6 བའི་དཀྱིལ་འཁོར་དུ།། མགྱོགས་པའི་ཚོགས་རྣམས་བསྡུས་བྱས་ནས།། རྡོ་ཕྱེས་ཕྱེ་མར་བརླག་བྱས་ནས།། གྲུ་གསུམ་མཐིང་ནག་དཀྱིལ་འཁོར་དུ།། འབར་བའི་ཚོགས་རྣམས་ཞལ་དུ་བསྟབ།། ཚྭ་དང་རཱ་སྙིང
iiif viewer powered by OpenSeadragon
