| e-texts navigator |
| Wylie |
75a1 མིང་རུས་བྱ།། སྙིང་པོ་དང་ནི་བཅས་པར་བྲིའོ།། དེ་ལ་སྦྲུལ་ནག་ཞགས་པས་བཅིངས།། ཡན་ལག་ལྔ་ནི་བཅིངས་བཞིན་དུ། ཁྲོ་བོའི་སྐུ་ལ་བརྗོད་དེ་བཞག། དེ་ནས་མཆོད་རྫས་བརྩམ་པ་ནི།། མཆོད
75a2 པ་རྣམ་ལྔ་ཚུལ་བཞིན་བརྩམ།། མར་ཁུ་དང་ནི་སྦྲང་རྩི་དང་།། འབྲས་ཆེན་འབྲས་ཀྱི་ཐུག་པ་དང་།། ཤུག་གུ་རྟིང་དཀར་དང་ནི་ལ་དུ་བ།། མེ་ཏོག་དང་ནི་ཏིལ་མར་དང་། འབྲུ་ཐུག་དང་ནི་ལག་སམ་དང་།། འོལ་ཀོན
75a3 དང་ནི་ཡབ་ཟེའུ་རྣམས་སུ་བཅས།། རིན་ཆེན་ལྔ་དང་སྤོས་ལྔ་སྨན་ལྔ་དང་།། སྙིང་པོ་ལྔ་དང་འབྲས་ཀྱི་ལག་པན་དང་།། གཞན་ཡང་སྨན་གྱི་སྟོང་པ་སོགས།། ཐམས་ཅད་མ་ལུས་ཚོགས་པར་བྱ།། དེ་ནས་ཁྲོ་བོའི
75a4 མཆོད་རྫས་བརྩམ་པ་ནི།། མར་ཁུ་དང་ནི་ཐུབ་པ་ནག་པོ་དང་།། ཡམ་ཤིང་ནག་པོ་ཚེར་ཐེའུ་དང་།། དུག་གསུམ་གྱི་ནི་མཆོད་རྫས་དང་།། རིལ་བུ་གཅིག་ལ་བདུན་གསུམ་ཚོགས་པ་དང་།། ཀུ་ཤ་སྐེ་ཚེ་ལྡོང་རོས
75a5 དང་།། ཏིལ་མར་ཆེ་དང་ར་སྙིང་དང་།། ཤ་ཁུ་དང་ནི་ལྕགས་ཕྱེ་རྡོ་ཕྱེ་དང་།། སྲན་ཆེན་དང་ནི་གུ་གུལ་དཀར་ནག་དང་།། དེ་ལ་སོགས་པའི་མཆོད་རྫས་ཚོགས་པའོ།། ཞེས་གསུངས་ཏེ། རྡོ་རྗེ་ངུར་མོའི་ཏནྟ
75a6 ལས།། ཁྱད་པར་དཀྱིལ་འཁོར་གྱི་ཆ་རྐྱེན་དང་།། མཆོད་པའི་ལེའུ་སྟེ་གསུམ་པའོ།། །། དེ་ནས་གསད་པའི་ལས་བརྩམས་པ།། ལྕགས་ཕྱེ་ཟངས་ཕྱེ་རྡོ་དྲེག་དང་།། ར་དུག་སྦྲང་དུག་བཙན་དུག་དང་།། ཤ་དུག
iiif viewer powered by OpenSeadragon
