| e-texts navigator |
| Wylie |
73b1 མར་བཏང་།། དེ་ཡི་ཕྱི་རིམ་བང་རིམ་ལ།། འབར་བའི་མེ་ལྕེ་འཁྲིགས་པ་བྲིས་པ་ལ།། དེ་ཡི་ཕྱི་རིམ་བང་རིམ་ངོས་གསུམ་དུ།། སྒོ་གསུམ་དག་ནི་དོད་པར་བྱ།། དེ་ཡི་ཕྱི་རིམ་པར་ཁྱམས་གཉིས།། སྒོ་བཞི་དག་དང
73b2 ལྡན་པར་བྱ།། ཚོན་རྩི་དམར་པོ་མེ་འོད་བཏང་།། རྩེ་མོ་ཐམས་ཅད་ལྷོར་བསྟན་ནོ།། ཐབ་ཀྱི་ཞབས་སུ་རྡོ་རྗེ་དགོད།། རྡོ་རྗེའི་ཚད་དུ་སོར་བརྒྱད་པ།། སྦོམ་དུ་ཚད་ནི་སོར་གསུམ་པ།། སངས་རྒྱས་སྤྱན་ནི་ཟླུམ་ལེབ
73b3 ལ།། འབྱིས་འབྱིལ་ཡང་འཕར་དུ་བསྐོར།། དཀྱིལ་འཁོར་དག་གི་དབུས་སུ་བཞག། དེ་ནས་དཀྱིལ་འཁོར་དབུས་སུ་བཀྲམ།། ཤར་ལྷོའི་མཚམས་སུ་ཡི་གེ་རཾ།། ནུབ་བྱང་མཚམས་སུ་ཡི་གེ་ཡཾ།། ཁ་ཁྱེར་ནང་དུ་མེ
73b4 འོད་བྲི།། དེ་ན་ལྷ་རྣམས་དགོད་པར་བྱ།། ཁ་ཁྱེར་དང་པོ་མཐོན་པོ་ལ།། བཛྲ་མཱ་ལེ་ལ་སོགས་དགོད།། དེ་ཡི་ཕྱི་རིམ་བང་རིམ་ལ།། ཀོ་རི་ལ་སོགས་མ་བརྒྱད་དང་།། སེང་ཧ་ལ་སོགས་ཕྲ་མེན་དགོད།། དེ་ཡི་ཕྱི་རིམ
73b5 བང་རིམ་ལ།། ཁྲོ་བོ་ཆེན་པོ་བཅུ་དག་དགོད།། དེ་ཡི་ཕྱི་རིམ་སྒོ་བཞི་ལ།། ལྕགས་ཀྱུ་མ་དང་ཞགས་པ་དང་།། ལྕགས་སྒྲོག་དྲིལ་བུ་བཞི་དག་དགོད།། དེ་ཡི་ཕྱི་རིམ་སྣམ་བུ་ལ།། དབང་ཕྱུག་ཉི་ཤུ་རྩ་བརྒྱད་དགོད།། དེ
73b6 ཡི་ཕྱི་རིམ་སྣམ་བུ་ལ།། ཕོ་ཉ་དྲུག་ཅུ་རྩ་བཞི་དགོད།། དེ་སྐད་གསུངས་པས། འཁོར་རྣམས་ཡིད་རབ་ཏུ་རང་ངོ་།། རྡོ་རྗེ་ངུར་མོའི་ཏནྟ་ལས། གླེང་གཞི་དང་ཁྱད་པར་དཀྱིལ་འཁོར་གྱི་ལེའུ་སྟེ་དང་པོའོ།། །། དེ
iiif viewer powered by OpenSeadragon
