| e-texts navigator |
| Wylie |
70b1 སྦྱངས།། ཕ་ནི་གསོད་པར་བྱེད་པ་སྟེ།། ཊ་ནི་སྲེག་པར་བྱེད་པའི་མཆོག། མཐོ་རིས་སྒོ་འགེག་ངན་སོང་སྒོ་འབྱེད་པའི།། དངོས་གྲུབ་གེགས་སུ་བྱེད་པ་ཐམས་ཅད་དང་།། ལས་ཀྱི་སྒྲིབ་པ་བག་ཆགས་ཐམས་ཅད
70b2 ཀུན།། ཕཊ་ཀྱི་འོད་ཟེར་ནག་པོས་བསྲེག་པར་བྱའོ།། ཚེ་འདས་རིགས་ཀྱི་བུ་ཁྱོད་ནི།། ལས་དང་ཉོན་མོངས་བག་ཆགས་ཀུན་བྱང་ནས།། འབྲས་བུ་ཆོས་སྐུ་ཆེན་པོ་ཐོབ་བྱའི་ཕྱིར།། བྱང་ཆུབ་སེམས་ཀྱི་ཐིག་ལེ
70b3 གཅིག་ཏུ་གྱུར།། བདེ་གཤེགས་རྒྱལ་བའི་སྲས་སུ་བྱིན་བརླབས་པས།། སྐུ་གསུང་ཐུགས་ལས་བྱུང་བའི་ཡིག་འབྲུ་གསུམ།། ཐིག་ལེ་བྱང་ཆུབ་སེམས་ལ་རབ་ཏུ་ཐིམ།། སྐུ་གསུང་ཐུགས་ཀྱི་སྲས་སུ་སྐུ་བསྐྱེད་དོ།། ཧཱུཾ་ཧཱུཾ།
70b4 བཛྲ་ཙིཏྟ་ཧཱུཾ། སྐུ་གསུང་ཐུགས་ལས་བསྐྱེད་པའི་སྲས་པོ་ཁྱོད།། བདེ་ཆེན་ལོངས་སྤྱོད་རྫོགས་སྐུ་ཐོབ་པ་དང་།། འགྲོ་དོན་རྫོགས་པའི་སྦྲུལ་སྐུ་ཐོབ་ཕྱིར་དུ།། རི་མོར་བྲིས་པའི་གཞལ་ཡས་འདིར་ཞུགས་པས།། ཚེ
70b5 འདས་རིགས་ཀྱི་བུ་ཁྱོད་ཀྱིས།། ཀུན་ཏུ་བཟང་པོའི་དཀྱིལ་འཁོར་ཐོབ་གྱུར་ཅིག། ཆོས་སྐུ་ལོངས་སྐུ་སྦྲུལ་སྐུ་གསུམ་ཐོབ་པས།། སྐུ་གསུང་ཐུགས་ལས་བྱུང་བའི་སྲས་པོ་ཁྱོད།། གཟུགས་སྒྲ་དྲི་རོ་རེག་བྱའི་ལྷ་མོ
70b6 ཡིས།། འདོད་པའི་ཡོན་ཏན་ལྷ་མོ་ཐིམ་པར་རོལ།། ཉོན་མོངས་བག་ཆགས་བྱང་བྱས་ནས།། སངས་རྒྱས་སྲས་ཐོབ་པའི་ལེའུ་སྟེ་ཉེར་བཞི་པའོ།། །། སྡུད་པའི་གསང་བདག་རྡོ་རྗེ་སེམས་དཔའ་ཡིས།། སྟོན་པའི
iiif viewer powered by OpenSeadragon
