| e-texts navigator |
| Wylie |
6a1 གདལ་བའི་ཕྱིར་ན། དབུ་ཉི་ཤུ་རྩ་གཅིག་ཕྱག་བཞི་བཅུ་རྩ་གཉིས་སུ་སྤྲུལ། ཡུམ་ཀུན་ཏུ་བཟང་མོ་ཀྲོ་དྷི་ཤྭ་རི་གནམ་ཞལ་མར་སྤྲུལ་ནས། ཡབ་ཡུམ་གཉིས་སུ་མེད་པའི་མཁའ་ལས་རིགས་ལྔའི་སངས
6a2 རྒྱས་ཡབ་ཡུམ་རྣམས་ཡེ་ཤེས་ཀྱི་ཧེ་རུ་ཀ་ཡབ་ཡུམ་བཅུར་གྱུར་ཏེ། རྣམ་པར་སྣང་མཛད་ཡབ་ཡུམ་བུདྡྷ་ཧེ་རུ་ཀ་ཡབ་ཡུམ་དུ་གྱུར་ནས། དེ་ཅི་བས་ཀྱང་སྐུ་ཆེ་བ་ཕྱག་མང་བ་མཚོན་ཆ་རྣོ་བ་མེ་དཔུང་འབར་བ། ང་རོ་ཆེ
6a3 བ་མཐུ་ཆེ་བ་དྲག་ཅིང་རྔམ་པ། གསོད་པ་ལ་བརྩོན་པར་སྤྲུལ་ཏེ། དྲེགས་པ་ཆེན་པོ་གཙོ་བོར་རཱ་ཏྲ་དངོས་སུ་བསྒྲལ་ལོ།། ཡུམ་གྱིས་དེའི་ཆུང་མ་བསྒྲལ་ལོ།། དེ་བཞིན་དུ་བཛྲ་ཧེ་རུ་ཀ་ཡབ་ཡུམ་གྱིས། ཤར་གྱི་དྲི་ཟའི
6a4 སྲིན་པོ་ཕོ་མོ་བསྒྲལ་ལོ།། རཏྣ་ཧེ་རུ་ཀ་ཡབ་ཡུམ་གྱིས། ལྷོ་གཤིན་རྗེའི་སྲིན་པོ་ཕོ་མོ་བསྒྲལ་ལོ།། པདྨ་ཧེ་རུ་ཀ་ཡབ་ཡུམ་གྱིས། ནུབ་ཀླུའི་སྲིན་པོ་ཕོ་མོ་བསྒྲལ་ལོ།། ཀརྨ་ཧེ་རུ་ཀ་ཡབ་ཡུམ་གྱིས། བྱང་གནོད་སྦྱིན་གྱི
6a5 སྲིན་པོ་ཕོ་མོ་བསྒྲལ་ལོ།། བདུད་དང་སྲིན་པོའི་ལག་ཆ་མདུང་རྩེ་གསུམ་རྒྱལ་བྱེད་རྟགས་ཀྱི་ཁ་ཊྭཱཾ་གར་བསྣམས། པགས་པ་གཡང་གཞིར་སྐུ་ལ་གསོལ་ལོ།། ཐོད་པ་མནབས་ཞལ་དུ་མཛད་དོ།། རྣམ་པར་ཤེས་པའི
6a6 སེམས་རིགས་ངེས་པའི་སྲས་སུ་གྱུར་པས། རཀྵ་ཧེ་རུ་ཀའི་སྐུར་གྱུར་ཏོ།། ངན་སོང་གསུམ་དུ་སྐྱེ་ངེས་པའི་སྲས་སེམས་རིགས་ངེས་པའི་སྲས་སུ་བསྒྲལ་བས། ས་ནུ་ཧེ་རུ་ཀར་གྱུར་ཏོ།། འཁོར་བྱང་ཆུབ་སེམས་དཔའ
iiif viewer powered by OpenSeadragon
