| e-texts navigator |
| Wylie |
4b1 ཉམས་སུ་མྱོང་ནས། དེ་ལས་ཐར་ནས་བྱོལ་སོང་དང་ཡི་དྭགས་ཀྱི་གནས་སུ་སྐྱེ་ན་ཡང་། སྔོན་གསང་སྔགས་སྤྱོད་ཙ་ནས། ཞེ་སྡང་གི་དབང་གིས་མགོ་ལུས་མང་བར་བསྒོམས་པའི་ཁ་མིག་མགོ་ལུས་མང་བར་སྐྱེས
4b2 ནས། དེར་ཡང་སྡུག་བསྔལ་ཤས་ཅིག་ཉམས་སུ་མྱོང་ནས། དེ་ནས་ཐར་ནས་སྐྱེ་ན་ཡང་ཐར་པའི་སྒོ་ལྷོ་ནུབ་པས། གནས་ཀྱང་ལྷོ་ནུབ་མཚམས་དུར་ཁྲོད་ཀ་རངས་ཞེས་བྱ་བར་སྐྱེས། དེ་དངོས་པོར་འཛིན་དབང་གིས
4b3 ལྷོ་ནུབ་མཚམས་དེ་ཡང་ཕྱོགས་བཞི་དབུས་དང་ལྔར་གནས། ཐ་མ་གྲོང་ཁྱེར་གྱིས་བསྐོར་བ། ཕྱི་མཐའ་དུར་ཁྲོད་ཀྱི་ཚོགས་མང་བར་གནས་པའི་ཡུལ་དུ་སྐྱེས། དེ་ལ་གནས་པ་དེ་ལ་ཡང་རང་རྒྱུད་ཀྱི་གནས་མ་ཡིན
4b4 ཏེ་ཁྲོ་བོའི་ལས་དབང་གི་སྣང་བའོ།། དེ་ལྟ་བུའི་དབུས་སུ་ན། སྔོན་གསང་སྔགས་ཀྱི་དོན་སྤྱོད་ཙ་ན། དངོས་པོ་ལ་བརྟག་པར་འཛིན་པའི་མཐུ་བརྟས་པས། རུ་ཏྲ་རྣམ་པ་གསུམ་གྱི་བདག་པོ་དབུས་ན་གནས་པ་དེ།
4b5 སྔོན་དངོས་པོ་ཡོད་པ་ལ་ཆེ་བར་བསྒོམས་པའི་དབང་གིས། ལུས་རི་རབ་ཙམ་ལ། སྡིག་པའི་ལས་སྔོན་དུ་ཐལ་ཞིང་། བསོད་ནམས་ཀྱི་ལས་ཕྱིར་ལུས་པས། མདོག་ཀྱང་ཐལ་མདོག་སྔོ་སྐྱར་འདུག་པ། ཉོན་མོངས་པ
4b6 དུག་གསུམ་གྱི་རྩ་བ་ལས། ཉོན་མོངས་པ་བསམ་གྱིས་མི་ཁྱབ་པར་སྔོན་སྤྱད་པའི་མཐུས། ལག་ན་ཡང་མདུང་རྩེ་གསུམ་པ་ལ་སོགས་ཏེ། མཚོན་ཆ་བསམ་གྱིས་མི་ཁྱབ་པ་ཐོགས་པ། སྔོན་ཉོན་མོངས་པ་གྲགས་པ་ཆེ
iiif viewer powered by OpenSeadragon
