| e-texts navigator |
| Wylie |
4a1 བདག་ཉིད་ཉོན་མོངས་པ་ལ་ཤས་ཆེར་སྤྱད་པས། གཞན་ཡང་དེ་ལ་ལན་འདོན་པའི་དབང་གིས། བདག་དང་གཞན་དངོས་སུ་འཐབ་པ་དང་། སྐྱོན་དང་ཟོལ་ལ་སོགས་པ་བཤམས་ནས། འཁྲུག་པ་དང
4a2 གསོད་པ་ལ་སོགས་པ་བྱེད་པ་དང་། བདག་ཉིད་ཀྱིས་མི་རྟག་པ་དང་། སྒྱུ་མ་ལྟ་བུའི་དོན་མི་ཤེས་པས། མི་ཆོས་ཀྱི་བློན་པོ་ལྟ་བུ་དང་། འདུ་འཛི་གཡེང་བ་སྤྱོད་པའི་ལས་བྱེད་པ་དང་། དེ་ལྟ་བུའི་ལོག་པར་འདྲེན
4a3 པའི་སློབ་མ་མང་བའི་དབང་གིས། གཞན་ཐམས་ཅད་ཀྱང་དེ་ལྟ་བུའི་ལས་བྱེད་པ་དང་། གཅིག་ལ་གཅིག་འཇུག་པ་དང་། འཐབ་ཅིང་རྩོད་པ་དང་། ཕྲག་དོག་རློམ་པ་དང་། ཆེ་བ་དང་བཀུར་བའི་རིམ་པ་མེད་པར
4a4 གནད་དུ་བཙུགས་ནས། ལོག་པའི་ལས་རྣམ་པ་སྣ་ཚོགས་པ་བཤམ་པ་དང་། ལོག་པ་དང་སྡིག་པའི་ལས་རྣམ་པ་སྣ་ཚོགས་པར་སྤྱད་པའི་དབང་གིས། ཡོངས་ཀྱིས་དཔྱ་སླ་བར་གྱུར་ནས། ཀུན་ཀྱང་འཇིག་རྟེན་གྱི
4a5 ཁམས་འདིར་མི་བདེ་བ་རྣམ་པ་སྣ་ཚོགས་པ་ཉམས་སུ་མྱོང་ནས། བསྒྲུབ་པ་ལ་དོན་མེད་ཅིང་དུས་མ་ཡིན་པར་ཚེ་ཟད་ནས། དམ་ཚིག་ཉམས་པ་རྣམས་ནི་སེམས་ཅན་དམྱལ་བའི་ཡང་གཏིང་དུ་སྐྱེ་བར་འགྱུར
4a6 རོ།། ནམ་ཡང་འཐོན་པའི་དུས་མེད་པ་ཡིན་ནོ།། ཕལ་པ་རྣམས་དང་སློབ་མ་རྣམས་ཀྱིས་སྣ་དྲངས་ནས། མནར་མེད་པ་མ་གཏོགས་པ་ཡན་ཆད་ནས། ཉི་ཚེ་བ་མན་ཆད་དུ་བསྐལ་པ་དུ་མ་ཞིག་གི་བར་དུ་སྡུག་བསྔལ
iiif viewer powered by OpenSeadragon
