| e-texts navigator |
| Wylie |
395a1 གཟིགས་པའི་མཐུས།། ཇི་སྲིད་བཀོད་པ་རྒྱ་ཆེན་དོན།། ཕ་རོལ་ཕྱིན་པའི་ཚོགས་རྣམས་ཀྱི།། སངས་རྒྱས་ཐེག་པ་བསྟན་པར་བྱེད།། སྦྱིན་སོགས་ཚུལ་ཁྲིམས་ཟོད་པ་དང་།། བརྩོན་འགྲུས་བསམ
395a2 གཏན་ཤེས་རབ་སོགས།། ཐབས་སྟོབས་སྨོན་ལམ་ཡེ་ཤེས་ཀྱི།། བྱ་བ་ཆེན་པོས་གཞན་རྒྱུད་སེལ།། ཡང་དག་མཉམ་ཉིད་ཡེ་ཤེས་ཆེ།། འགྲོ་རྣམས་རྡོ་རྗེ་འཛིན་པའོ།། གནས་ཀུན་མངོན་པར་སྦྱོར་བྱས་ཏེ།། ཐབས
395a3 དང་ཤེས་རབ་སྦྱོར་བའི་བདག། གཉིས་མེད་འཕྲུལ་པས་བསམ་ཡས་པ།། དེ་དག་རྣམ་པར་རྫོགས་པ་ཡི།། བྱང་ཆུབ་ཡན་ལག་རིན་ཆེན་རྫས།། རང་གི་གནས་དང་གནས་མེད་གཞན།། སྤྱོད་པའི་རྒྱུན་གྱིས་བཀོད
395a4 བྱས་ཏེ།། ཆུ་བོ་རྒྱུན་གྱི་ཚུལ་འཇུག་པ།། རྣམ་པར་གྲོལ་བ་ཐེག་པའི་མཆོག། འགྲོ་བ་ཐམས་ཅད་རིན་ཆེན་རྫས།། ནམ་མཁའ་ལ་གནས་བྷ་ག་ཉིད།། རྡོ་རྗེ་འཛིན་པ་བཅོམ་ལྡན་འདས།། དཀྱིལ་འཁོར་ཆེན་པོར
395a5 དབང་བསྐུར་ཞིང་།། དམ་ཚིག་གསང་བ་ལ་གནས་ཏེ།། ཀུན་ནས་སྨིན་པའི་བྱིན་རླབས་ཀྱིས།། དེ་དག་མཐའ་དང་ཚུལ་གཞན་གྱིས།། གྲོང་ཁྱེར་མཆོག་རྣམས་སྤྲུལ་པ་ཡི།། ལོངས་སྤྱོད་གནས་ཆེན་མངོན་དགའ
395a6 བ།། རྡོ་རྗེ་རིན་ཆེན་པདྨའི་ཚོགས།། རབ་སྦྱངས་དམིགས་པས་འགྲུབ་འགྱུར་ཞིང་།། བཅུ་དྲུག་ཆ་ཤས་རྣམ་པར་འཕེལ།། རབ་ཏུ་སྦྱར་བའི་ཡུལ་འདི་ནི།། དམ་པའི་ཡེ་ཤེས་འཇུག་པའི་གནས།། བྱ་བའི་འཁོར་ལོས
iiif viewer powered by OpenSeadragon
