| e-texts navigator |
| Wylie |
394b1 རྒྱ་རྫོགས་པ་ཐིག་ལེའི་ཚུལ།། རང་གི་གནས་འཇུག་ཐིག་ལེའི་རྒྱུ།། འཁོར་ལོའི་ཚུལ་བཞིན་འཇུག་པའོ།། ཇི་སྲིད་དངོས་གྲུབ་སྙིང་པོ་མཆོག། རབ་ཏུ་རྟོགས་པ་རྣམ་བཞི་ཡིས།། བྱེ་བྲག་ཡུལ་ཚོགས་གཉིས་མེད
394b2 པར།། སྣང་བ་རྣམ་པར་དག་པའི་ཚུལ།། ཉེ་བར་བསྡུས་པས་རྫས་བྱས་ཏེ།། དམ་ཚིག་དཀྱིལ་འཁོར་མཉམ་ལྡན་པ།། ཐུགས་རྗེ་འབྱུང་བའི་བདག་པོ་ཉིད།། ཡེ་ཤེས་སེམས་དཔའ་སྔགས་ལམ་ལས།། དམ་ཚིག་འཕྲོ།
394b3 འདུའི་བྱེ་བྲག་གིས།། ཡན་ལག་གནས་ཀུན་རྫོགས་འགྱུར་ཞིང་།། འོད་ཀྱི་ཐིག་ལེ་རྣམ་པར་དག། བུ་གའི་ཚོགས་རྣམས་ཐམས་ཅད་དང་།། དབང་པོ་དྲུག་གི་གནས་ཁྱབ་ཅིང་།། རྟེན་དང་བརྟེན་པའི་ཡེ་ཤེས
394b4 ཚོགས།། ཏིང་འཛིན་སེམས་དཔའ་བདག་ཉིད་དོ།། ས་བོན་ཟླ་བ་ཐིག་ལེར་བཅས།། ཡང་དག་སྦྱངས་པས་རྫོགས་པའི་སྐུ།། བྱང་ཆུབ་གནས་ཀྱི་རྒྱན་ལྡན་ཞིང་།། མཐར་ཕྱིན་སངས་རྒྱས་ཀུན་གྱི་ཐུགས།། དུས
394b5 གསུམ་རྒྱུན་གྱི་ཏིང་ངེ་འཛིན།། ངོ་བོ་གཅིག་ཉིད་སྣ་ཚོགས་མདངས།། ཐབས་ཀྱི་འཕྲུལ་པ་མཐའ་ཡས་ཏེ།། སངས་རྒྱས་དྲུག་གི་མཛད་བཅས་པས།། དཀྱིལ་འཁོར་བླ་ན་མེད་པའི་མཆོག། ཡེ་ཤེས་དཀྱིལ
394b6 ཁོར་ཐམས་ཅད་ཀུན།། དགའ་མགུ་དངས་པས་མཉེས་བྱས་ཏེ།། འཁོར་ལོ་ཆ་ཤས་གཉིས་ཀྱི་ཚུལ།། གསོལ་འདེབས་སྔགས་དང་ཕྱག་རྒྱུ་ཡིས།། རང་གི་ཡུལ་དུ་གཤེགས་གསོལ་ཞིང་།། དུས་རིང་འགྲོ་ལ
iiif viewer powered by OpenSeadragon
