| e-texts navigator |
| Wylie |
394a1 ཨ་ཤའི་སྦྱོར་ལྡན་པས།། འཇིགས་བྱེད་ཡ་ཧ་ཙ་ཏའི་མཐའ།། ཕོ་བྲང་མ་བཅས་པདྨའི་དབྱིངས།། བ་ཏ་བ་ར་སྭཱ་ཧཱ་ཛ། རྒྱུ་ཡི་འཇུག་པ་རྣམ་བདུན་གྱིས།། རྐྱེན་གྱི་ནམ་མཁའ་རྣམ་པར་དག། ཡང་དག
394a2 ཉེ་བར་བསགས་པའི་རྒྱུན།། དྲུག་དང་དྲུག་བཅས་མཐའ་རྣམས་འགོག། འབྲས་བུ་དེར་གནས་མཐུན་པའི་ཆོས།། རྣམ་གསུམ་སྦྱོར་བའི་སྟོབས་ཀྱིས་རྫོགས།། ཉམ་ང་མེད་པའི་ཐབས་རྣམས་ཀྱིས།། རྒྱལ་བའི་ཕོ
394a3 བྲང་བཅུ་དྲུག་གནས།། ཟླ་ཕྱེད་ཡོངས་སུ་རྫོགས་པ་ཡི།། དཀྱིལ་འཁོར་གསལ་བ་ཆེར་རྒྱས་འགྱུར།། མཚན་མ་སྣ་ཚོགས་ཏིང་འཛིན་དངོས།། དེ་དག་གནས་ཀུན་ལྷུན་གྲུབ་པའི།། རིགས་ཀྱི་ཡི་གེ་བཟང་པོའི
394a4 ཚོགས།། མཚན་མ་མེད་པའི་ཏིང་འཛིན་མཆོག། སངས་རྒྱས་ཐེག་པ་མདོར་བསྡུས་ཏེ།། ཡུལ་དང་ཡུལ་ཅན་གཉིས་མེད་པར།། བྱང་ཆུབ་སེམས་བསགས་ཆ་རྒྱས་པས།། རང་བཞིན་རྣམ་དག་དཀྱིལ་འཁོར
394a5 མཆོག། མི་རྟོག་ངོ་བོར་དབྱིབས་དང་བྲལ།། རབ་སྦྱངས་སྤྱོད་པས་རྫོགས་འགྱུར་ཞིང་།། ཕོ་བྲང་ཡི་གེའི་ཆ་བྲལ་བ།། ཡུལ་ཀུན་སྦྱངས་པའི་ཏིང་འཛིན་ནི།། དཀྱིལ་འཁོར་བདག་དང་གཞན་པའི་རྒྱུད།། ཀུན་ནས་སྐུ
394a6 འཕྲུལ་དྲ་བའི་དངོས།། ཐ་དད་ཡུལ་གཉིས་བསམ་ཡས་པའི།། ཕྲེང་བ་ཆ་དང་ཆ་ལས་འདས།། དམིགས་པ་ཀུན་ནས་འཇུག་པའི་རྒྱུན།། དེ་མཐའ་སྤྲོས་དང་བསྡུ་བའི་ཚུལ།། མཉམ་ཉིད་རྟོགས་པ་རྣམ་ལྔ་ཡི།། ཕྱག
iiif viewer powered by OpenSeadragon
