| e-texts navigator |
| Wylie |
393b1 གསུམ་འབྲས་བུ་ལས་དང་བཅས།། ཐུགས་རྗེ་ཡེ་ཤེས་བྱིན་རླབས་མཐུས།། གཉིས་མེད་དངོས་གྲུབ་འབྲས་བུ་རྣམས།། ཡུལ་ཀུན་རྫོགས་པའི་སྟོབས་ཀྱིས་ནི།། ཟག་པ་མེད་པའི་བདེ་འབྱུང་ཞིང་།། རང་གི་ངོ་བོ
393b2 གསལ་བར་བྱེད།། སྤྱོད་པ་རྣམ་པར་གྲོལ་བའི་མཆོག། རྒྱལ་བའི་མཛད་པ་ཀུན་རྫོགས་པའོ།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས། སྤྱོད་པ་བསྟན་པའི
393b3 ལེའུ་སྟེ་བཅུ་གཉིས་པའོ།། །། དེ་ནས་འཁོར་གྱི་ཚོགས་རྣམས་ཀྱིས།། སངས་རྒྱས་ཀུན་གྱི་དཀྱིལ་འཁོར་ལ།། རབ་ཏུ་བརྟགས་པས་འཇུག་གྱུར་ཅིང་།། བྱིན་རླབས་ཡུལ་ཀུན་རྣམ་པར་འཇུག། རང་གི་ཡེ་ཤེས་ཇི
393b4 ལྟ་བར།། དེ་དག་སྣང་བ་བསམ་མི་ཁྱབ།། ཆོས་ཀྱི་རྒྱུན་གྱི་བྱ་བ་དག། མངོན་པར་སྤྱད་པས་རྒྱ་ཆེན་རྫོགས།། ངོ་མཚར་ཡ་མཚན་གནས་ལ་འཇུག། སངས་རྒྱས་ཐམས་ཅད་བསྟན་པའི་གནས།། རྣམ་པར་སྦས་པས
393b5 གསང་བའི་ཚུལ།། ཕྱག་རྒྱ་ཐབས་ཚོགས་ཆོ་ག་ཀུན།། བསྟན་པའི་གནས་སུ་འབྱུང་འཇུག་ཟིམ།། ཀུན་ཏུ་བཟང་པོའི་དཀྱིལ་འཁོར་ནི།། ཡང་དག་ཡི་གེའི་དཔེ་ལས་འདས།། དགོངས་པ་ཡེ་ཤེས་བླ་མེད་པ།། བྱ་བའི
393b6 ཁོར་ལོ་བསམ་མི་ཁྱབ།། སྐུ་ཡི་སྐུ་སྟེ་སྐུ་མཆོག་ཉིད།། མཉམ་པ་ལྔ་ཡི་བདག་ཉིད་ལ།། ཕྱག་རྒྱའི་དཀྱིལ་འཁོར་ཀུན་འཇུག་ཅིང་།། སུམ་ཅུ་རྩ་གཉིས་རྫོགས་པ་ཡི།། བསྙེན་བསྒྲུབ་ཡན་ལག་གནས་ཆེན་པོ།། ཨ་ཧ
iiif viewer powered by OpenSeadragon
