| e-texts navigator |
| Wylie |
391b1 གང་ཚེ་གནས་པའི་དུས།། སྐུ་གསུང་ཐུགས་ཀྱི་བརྟུལ་ཞུགས་མཆོག། ཀུན་རྒྱུད་རྣམ་གསུམ་དག་པ་ཡི།། ཕྱག་རྒྱ་སྔགས་དང་ཏིང་འཛིན་གྱིས།། ཞིང་ཁམས་ཐམས་ཅད་རྣམ་སྦྱངས་ཏེ།། ཡང་དག་བསྲུངས་པས
391b2 འགྲུབ་པར་འགྱུར།། དམ་ཚིག་རྣམ་པར་ཉམས་པ་དང་།། མཐུ་དབང་བྱིན་རླབས་མེད་པ་དག། ཕྱག་རྒྱའི་དཀྱིལ་འཁོར་བརྟན་གནས་ཤིང་།། ཀུན་ནས་བསྲུང་བའི་འཁོར་ལོར་ལྡན།། ཐབས་དང་ཤེས་རབ་གནས
391b3 འཇུག་པའི།། སངས་རྒྱས་དོན་ཡོད་གྲུབ་པའི་མཆོག། ཡང་དག་སྦྱོར་བས་ཀུན་དགུག་ཅིང་།། མ་ལུས་འདུས་པའི་ཐིག་ལེ་ཉིད།། དམ་ཚིག་ཆེན་པོའི་ལྕེ་ལ་བཞག། སྐུ་གསུང་ཐུགས་ཀྱི་མཚན་མ་ཡིས།། རིམ་པར
391b4 གནས་སྦྱངས་དབང་བསྐུར་ཞིང་།། སངས་རྒྱས་ཀུན་གྱི་བྱིན་རླབས་མཆོག། ཀུན་ནས་འདུས་པའི་ཚུལ་བསྒོམས་ན།། རྣམ་གསུམ་རྫོགས་པའི་ཚུལ་འདིས་ནི།། དཀྱིལ་འཁོར་ཀུན་ནས་སྐལ་བ་མཉམ།། འདོད
391b5 པ་ཐམས་ཅད་བསྐང་བ་དང་།། དམ་ཚིག་མཆོག་རྣམས་རྫོགས་པར་འགྱུར།། ཁ་ཟས་སོགས་ཀྱིས་དུབ་པ་ཡང་།། སྤྱི་བོར་ཟླ་དཀྱིལ་བདུད་རྩི་ལྔ།། ཡི་གེ་ལྔ་འོད་འབར་བའི་མཐུས།། རིགས་དང་རིགས་བཅས་ཞིང
391b6 ཁམས་རྣམས།། རྣམ་པར་སྦྱོར་བས་རྫོགས་པ་ཉིད།། མཚན་མ་ཕྲ་མོ་སྐུ་ཡི་ཚོགས།། ཀུན་ནས་སྤྲོ་ཞིང་བསྡུ་བའི་མཐུས།། ཕྱོགས་བཅུའི་རིགས་རྣམས་བདག་པོ་ཉིད།། དཀྱིལ་འཁོར་ཀུན་གྱི་འབྱུང་གནས
iiif viewer powered by OpenSeadragon
