| e-texts navigator |
| Wylie |
390b1 ལས། ཁྲོ་བོའི་དཀྱིལ་འཁོར་མངོན་པར་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་རྣལ་འབྱོར་དབང་ཕྱུག་མཆོག། དབང་པོ་ཡུལ་དུས་རོལ་པ་ཡི།། ཐབས་དང་ཤེས་རབ་སྤྱོད་པའི་གཞི།། བྱ་བ་ཆེན་པོའི
390b2 ལས་འདི་གསུངས།། ཐབས་ཀྱི་ཕྱག་རྒྱས་མཐའ་རྣམས་རྫོགས།། དེ་དག་རྣམ་ཤེས་དབང་པོར་བཅས།། ཤིན་ཏུ་བརྟན་པའི་བདག་ཉིད་ཅན།། བྱ་བ་ཀུན་ནས་སྐད་ཅིག་ལ།། རིགས་ཀྱི་འཁོར་ལོ་ཐམས་ཅད
390b3 ཀྱི།། ཕྱག་རྒྱའི་དཀྱིལ་འཁོར་ཐབས་ཀྱི་མཆོག། ཡུལ་བཅས་རྣམ་པར་དག་བྱེད་ཅིང་།། བདེ་གཤེགས་བྱང་ཆུབ་ཡན་ལག་རྫོགས།། ཡིད་ཀྱི་ཡི་གེ་རྒྱུན་དང་བཅས།། རྡོ་རྗེའི་རིགས་དང་དེ་བཞིན་གཤེགས།། རིན
390b4 ཆེན་པདྨ་ལས་རྣམས་ཀྱི།། ཆ་ལུགས་ཚུལ་གྱི་ཀུན་སྤྱོད་པས།། དག་པའི་དཀྱིལ་འཁོར་རྣམ་པ་གསུམ།། རྟོག་པ་བཞི་ཡི་བདག་ཉིད་ཅན།། གཉིས་མེད་ཡེ་ཤེས་ཐུགས་རྗེའི་མཆོག། འཕྲུལ་པའི་ཏིང་འཛིན་ཡོངས་སུ
390b5 རྒྱས།། ཐབས་ཀྱི་སྤྱོད་པ་རྒྱ་ཆེན་ཏེ།། ཀུན་ནས་སྦྲུལ་དང་བསྡུ་བ་དག། དེ་དག་དཀྱིལ་འཁོར་ཇི་བཞིན་པའོ།། སྤྲོས་བཅས་སྤྲོས་པ་མེད་པ་དང་།། རྩེ་གཅིག་བསྟན་པའི་ཕྱག་རྒྱ་མཆོག། ཤེས་རབ་རིགས་ཀྱི་ལྷ་མོ
390b6 རྣམས།། ཉེ་བར་བཀོད་སྦྱངས་བྱིན་གྱིས་བརླབས།། སོ་སོའི་མཚན་མ་རྒྱན་ལྡན་པར།། ཡང་དག་བརྒྱ་པས་སྦྱོར་བའི་གནས།། རྡོ་རྗེ་འཁོར་ལོ་ལ་སོགས་ཀྱི།། མཚན་ལྡན་མཚན་མའི་དོན་བཞིན་དུ།། རབ་ཏུ་སྦྱངས
iiif viewer powered by OpenSeadragon
