| e-texts navigator |
| Wylie |
390a1 བའི་བཀའ་བཞིན་ཉེ་བར་གནས།། མངོན་རྫོགས་སངས་རྒྱས་ཡེ་ཤེས་ལ།། ཤེས་རབ་ཆེ་ལྡན་སྦྱོར་བའི་མཐུས།། ཐུགས་རྗེའི་བདག་པོའི་ལུང་བཞིན་དུ།། རབ་ཏུ་སྤྱོད་པས་གྲོལ་འགྱུར་དང་།། དུས
390a2 མཐའ་ཇི་སྲིད་སེམས་ཅན་དོན།། དམ་བཅས་བྱང་ཆུབ་སྤྱོད་པ་མཆོག། སྟོབས་ཆེན་དྲག་པོའི་ཚོགས་རྣམས་ཀུན།། ཁྲོ་བོའི་དཀྱིལ་འཁོར་མངོན་རྫོགས་པ།། བདེ་གཤེགས་མཛད་པའི་བྱིན་རླབས་མཆོག། སྒྱུ་འཕྲུལ
390a3 དྲ་བའི་ངང་ཚུལ་ཅན།། ཤེས་རབ་གནས་ཀྱི་ཕྱག་རྒྱ་ལས།། ཀུན་ནས་སྤྲོ་དང་བསྡུ་བའི་ཚུལ།། འཁོར་ལོའི་གནས་ཀུན་རྒྱས་འགྱུར་ཏེ།། ཡང་དག་སྦྱོར་བའི་རླུང་གི་ཚོགས།། གནས་ཀུན་བརྟན་རྫོགས་སྡུད་པའི
390a4 བདག། མེ་རླུང་ཡང་དག་ཕྱོགས་རྒྱས་པས།། སྤྲུལ་པའི་དཀྱིལ་འཁོར་མཛད་བཅས་རྫོགས།། མ་ལུས་ཆོས་ཀྱི་གནས་འཇུག་ཅིང་།། ལོངས་སྤྱོད་རྫོགས་སྐུ་ཀུན་གྱི་བདག། ཡང་དག་བརྒྱད་ཀྱི་སྒྲ་གནས་སེལ།། རྣམ
390a5 ཤེས་ཚོགས་བརྒྱད་ཡེ་ཤེས་ཉིད།། བཅུ་དྲུག་རོལ་པའི་ཕོ་ཉ་ཡིས།། བདེ་བ་ཆེན་པོའི་འཁོར་ལོ་རྒྱས།། ཀུན་ནས་སྤྲོ་དང་བསྡུ་བ་ཡིས།། ཕྱི་ནང་འཇིག་རྟེན་དག་པར་མཛད།། དྲག་པོའི་ཚོགས་རྣམས་འཇོམས་མཛད
390a6 ཅིང་།། རིགས་ཀྱི་འཁོར་ལོ་རྫོགས་པའོ།། ཞིང་ཁམས་ཐམས་ཅད་དག་པར་མཛད།། དཀྱིལ་འཁོར་ཀུན་ནས་སྤྲུལ་པའོ།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད
iiif viewer powered by OpenSeadragon
