| e-texts navigator |
| Wylie |
389b1 ལུགས་ཀུན་དངོས་འགྲོ་བའི་ཚུལ།། རྣམ་པ་ལྔ་ཡི་གདུལ་བྱ་ལ།། དེ་བཞིན་སྟོན་པའི་འདུལ་བྱེད་མཆོག། འཁོར་ནས་མྱ་ངན་འདས་སྦྱོར་བའི།། ཕྲ་མེན་ལྔ་བརྒྱ་དྲུག་ཅུ་གཉིས།། ཕྱོགས་བཅུའི་ཞིང་ཁམས་མཐའ་ཡས
389b2 པའི།། སྡེར་བཅས་རང་རྒྱུད་མཐུན་པའི་གཟུགས།། དེ་དག་གནས་རྫོགས་བསྡུ་མཛད་ཅིང་།། རྣམ་ཀུན་དག་པས་རྫོགས་པ་ཉིད།། རང་གི་དཀྱིལ་འཁོར་ཇི་བཞིན་པར།། ཕྱག་རྒྱ་འདུས་ཚོགས་ལྷ་མོའི་སྐུ།། མཁའ
389b3 འགྲོ་ཕྲ་མེན་སྒོ་བའི་ཚོགས།། རང་གི་ལག་ཆ་ཕྱག་རྒྱ་དང་།། ངོ་མཚར་ཡུལ་བཅས་རོལ་པ་ཉིད།། ལྷ་འདྲེ་དྲེགས་པའི་ཚོགས་རྣམས་ཀུན།། འདམ་རྫབ་མི་གཙང་གནས་དག་ནས།། ཚད་མེད་གདུང་སེམས་བྱང་ཆུབ
389b4 སེམས།། ལྡང་དང་རྣམ་པར་ལྡང་བའི་ཡིད།། ཀུན་ནས་སྤྱོད་པས་དབུགས་ཕྱུང་སྟེ།། མི་གཙང་གནས་ལས་གྲོལ་བར་གྱུར།། དེ་རྣམས་ཕྱོགས་གཅིག་གནས་གཅིག་འཁོད།། ཉོན་མོངས་ལ་སོགས་འགྱོད་བཅས
389b5 གདུངས།། རིགས་བདག་ཀུན་ལ་གསོལ་བ་འདེབས།། རང་གིས་འབྱོར་པའི་རྫས་ཕུལ་ཞིང་།། དབང་བསྐུར་དམ་ཚིག་ལ་གནས་འགྱུར།། ཀུན་ནས་དམ་བཅས་སྨྲས་པའི་ཚིག། དུས་གསུམ་མི་འགྱུར་བརྟན་པར
389b6 གནས།། རྡོ་རྗེ་ཐེག་པའི་དོན་བཞིན་དུ།། ཡང་དག་བསྒྲུབ་ལ་ནན་ཏན་གྱིས།། ཚོགས་ཀྱི་དཀྱིལ་འཁོར་བཟུང་བྱེད་ཅིང་།། དེ་མིང་འཛིན་བཅས་བསྲུང་བ་མཛད།། འཁོར་གྱི་དབང་ཕྱུག་བྲན་ཚོགས་རྣམས།། གཙོ
iiif viewer powered by OpenSeadragon
