| e-texts navigator |
| Wylie |
389a1 བཅས།། ཐུགས་རྗེ་མངོན་འབྱུང་དཀྱིལ་འཁོར་ཉིད།། བདུད་རྩི་འབྱུང་བའི་དཀྱིལ་འཁོར་གྱིས།། མི་གཙང་སྙིགས་མའི་ཚོགས་རྣམས་ཀུན།། མངོན་པར་བསྟན་པས་རྫོགས་པའི་སྐུ།། ཐལ་བའི་དབང
389a2 པོ་ཞེས་བྱ་བའི།། དེ་བཞིན་གཤེགས་པའི་ཐུགས་རྗེའི་བདག། བསྐལ་པ་བཟང་པོའི་དུས་ཉིད་དུ།། མ་འོངས་འགྲོ་གནས་སྤྱོད་པར་འགྱུར།། ཐབས་མཁས་མངོན་པར་རྫོགས་པ་ཡི།། སངས་རྒྱས་མཛད་པ་ངོ་མཚར
389a3 ཆེ།། དྲེགས་བྱེད་ཐལ་བར་བརླག་པ་ལས།། ཐལ་བའི་དབང་པོར་ལུང་བསྟན་མཛད།། དེ་ཕྱིར་གསང་བའི་ཐེག་པ་འདི།། ཐབས་དང་ཤེས་རབ་རོལ་པའི་རྒྱུད།། སྒྱུ་འཕྲུལ་ཐལ་བ་ཞེས་བྱ་བའི།། ངོ་མཚར་བཤད
389a4 པའི་དྲ་བའོ།། དུས་གསུམ་འབྱུང་བའི་གནས་རྫོགས་པས།། ཀུན་མཆོག་གོ་འཕང་ཐབས་རྫོགས་པར།། རབ་ཏུ་སྤྲུལ་པའི་དཀྱིལ་འཁོར་རྣམས།། ཡུལ་འདིར་མངོན་པར་རྫོགས་པ་ཉིད།། རྣལ་འབྱོར་ངོ་མཚར་ལས
389a5 བྱུང་བའི།། སངས་རྒྱས་ཀུན་གྱི་དགོངས་པ་མཆོག། རབ་ཏུ་སྤྱོད་རྣམས་གྲོལ་འགྱུར་ཞིང་།། ཚུལ་རྒྱུན་འཇུག་པས་མྱ་ངན་འདས།། དེ་ལྟར་འཕྲུལ་པའི་དཀྱིལ་འཁོར་མཆོག། རིགས་ཀྱི་བཀོད་པ་སྣང་མཐའ
389a6 ཡས།། ཉོན་མོངས་ལས་ཀྱིས་གདུངས་པ་ལ།། དེ་ཉིད་ཐབས་ཀྱིས་འདུལ་མཛད་དེ།། མཐུན་པའི་གཟུགས་དང་སྒྲ་ཉིད་དང་།། ཕྱག་རྒྱ་ཀུན་ནས་སྤྲུལ་པའི་ཚོགས།། མི་མཐུན་གནས་རྣམས་སྣ་ཚོགས་པའི།། ཆ
iiif viewer powered by OpenSeadragon
