| e-texts navigator |
| Wylie |
387b1 གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས། ཕྲིན་ལས་ཀྱི་ལེའུ་སྟེ་བཅུ་པའོ།། །། དེ་ནས་དེ་བཞིན་གཤེགས་པ་རྣམས།། ཉིད་ཀྱི་དཀྱིལ་འཁོར་ཁྲོ་བོ་ཡི།། རོལ་པའི་ཏིང་འཛིན་གནས་ལ
387b2 བཞུགས།། དཀྱིལ་འཁོར་ཕྲིན་ལས་སྤྲོ་མཛད་ཅིང་།། ཕྱོགས་བཅུའི་དྲེགས་བྱེད་ཐམས་ཅད་ཀྱིས།། ང་རྒྱལ་གཏུམ་ཚོགས་འཇིགས་མཛད་ཕྱིར།། རིགས་ཀྱི་བདག་པོ་བསྡུ་མཛད་ཅིང་།། ཁྲོ་བོ་རོལ་པའི་ཚོགས་སྤྲུལ
387b3 མཛད།། ཁམས་གསུམ་འཇིག་རྟེན་རྒྱ་ཆེན་པོར།། ཉོན་མོངས་ལས་ཀུན་ཞེན་པ་ཡི།། དྲེགས་བྱེད་ཚོགས་རྣམས་ཉོན་མོངས་མཐུས།། རང་གནས་རྒྱུད་ཀུན་འབར་བར་བྱེད།། ལས་ཀྱི་སྡུག་བསྔལ་ཚོགས་རྒྱས
387b4 པས།། ཀུན་ནས་ཉོན་མོངས་མནར་བར་འགྱུར།། བདུད་ཀྱི་སྡེ་རྣམས་དཔུང་བཅས་པ།། ཐམས་ཅད་དྲེགས་པའི་མཐུ་ཡིས་མྱོས།། དེ་ནས་གཙོ་བོ་ལྷ་ཆེན་རྣམས།། ཉོན་མོངས་ལས་ཀྱི་སྤྱོད་པ་ཡིས།། འབྱུང་ཆེན
387b5 གནས་རྣམས་གཡོ་མཛད་ཅིང་།། གཅིག་ལ་གཅིག་གིས་གདུང་སེམས་དང་།། ཐབས་ཀྱི་སྦྱོར་བ་སྣ་ཚོགས་ཀྱིས།། རྒྱལ་སྲིད་ཡུལ་ཀུན་འཕྲོག་པར་བྱེད།། ལས་ཀྱི་སྡུག་བསྔལ་སྟོབས་རྒྱས་པའི།། མི་མཐུན་གནས
387b6 ཀུན་འཁྲུགས་པ་ལས།། འཇིག་རྟེན་ཁམས་རྣམས་མེ་འབར་ཞིང་།། རྨོངས་ཉམས་སྔངས་ནས་ལས་གཞན་འགྱུར།། དེ་ཚེ་ཉོན་མོངས་དྲེགས་པའི་མཐུས།། དུར་ཁྲོད་བདག་པོ་སྟོབས་རྒྱས་ཤིང་།། ལས་ཀྱི་ཉོན་མོངས
iiif viewer powered by OpenSeadragon
