| e-texts navigator |
| Wylie |
386b1 ནས་མཉམ་རྫོགས་ཤིང་།། འོད་སྦྲུལ་ཕྱག་རྒྱའི་གནས་ཉིད་དུ།། རབ་འབར་རྡོ་རྗེའི་མཚོན་ཆ་ཡིས།། འདོད་པའི་ཡུལ་རྣམས་ལྷ་གནས་པའོ།། འབར་བའི་ཧོམ་ཁུང་གནས་ཀྱི་མཆོག། དམ་ཚིག་མི་གནས་འཁོར་ལོ
386b2 ལ།། ཡེ་ཤེས་འཁོར་ལོ་མཉམ་རྫོགས་པས།། སྦྱིན་བསྲེག་ཀུན་ནས་རྒྱས་པར་འགྱུར།། དགུག་དང་གཏང་དང་བཅིངས་དང་བཀྲོལ།། གསོ་གསད་འཕམ་རྒྱལ་ལ་སོགས་རྣམས།། སྦྱོར་བའི་ཡན་ལག་ཀུན་ལྡན
386b3 པས།། བསྟན་པའི་ཡན་ལག་རྫོགས་པར་འགྱུར།། ལྕགས་ཀྱུ་ཞགས་པ་ལ་སོགས་རྫས།། དེ་དག་འདོད་པའི་ཕོ་ཉ་མཆོག། ཐབས་དང་ཤེས་རབ་མཉམ་སྦྱོར་བས།། བྱང་ཆུབ་སེམས་སོགས་དཀྱིལ་འཁོར
386b4 ཀུན།། ཕྱོགས་མཚམས་བླ་འོག་རྣམས་སྤྲོས་ཏེ།། སྤྲུལ་པ་མཁའ་འགྲོ་ཕྲ་མེན་ཚོགས།། ལྷ་མོ་ཀུན་གྱི་སྦྱོར་བ་ཡི།། འཁོར་ལོ་མཆོག་ཏུ་གྱུར་པ་རྣམས།། རབ་རྫོགས་སྦྲུལ་བཅས་བྱིན་བརླབས་བཞིན།། ཆ་ཤས་གྲངས
386b5 ལས་རྣམ་པར་འདས།། མེ་ལྷའི་རྒྱལ་པོའི་རྫས་བཀུག་སྟེ།། ཕྱག་རྒྱ་འདི་ཡིས་བརྟན་བྱས་ལ།། འབར་བའི་སྙོམས་འཇུག་བརྡར་བཅས་པས།། ཁམས་གསུམ་ཡེ་ཤེས་འབར་བའི་མཆོག། རིགས་ཀྱི་རྒྱལ་བ་ཀུན་སྦྱོར
386b6 ཞིང་།། བྲོ་གར་འདུ་འཕྲོའི་གནས་འཇུག་པས།། མཚན་མའི་ཡུལ་ཀུན་རྣམ་པར་དག། ཕྲིན་ལས་ལྷུན་གྱིས་གྲུབ་པ་ཉིད།། སངས་རྒྱས་ཀུན་གྱི་རྣམ་འཕྲུལ་ཉིད།། བྱང་ཆུབ་སེམས་དཔའ་མ་ལུས་སྒྲོལ།། དེ་དག
iiif viewer powered by OpenSeadragon
