| e-texts navigator |
| Wylie |
385b1 དག་གི་སྣང་བ་དང་བཅས་པས་ཀུན་ནས་རྒྱས་པར་གྱུར་ཏོ།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས། བསྒྲུབ་པའི་སྒོ་རྣམ་པར་དབྱེ་བའི་ལེའུ་སྟེ
385b2 དགུའོ།། །། དེ་ནས་ཞིང་ཁམས་མ་ལུས་རྣམས།། རིགས་ཀྱི་ཕྲིན་ལས་ཐམས་ཅད་ཀྱིས།། སངས་རྒྱས་དངོས་གྲུབ་མཐའ་ཡས་རྣམས།། ཐ་དད་རྫོགས་པས་ཐེག་པའི་མཆོག། རང་བཞིན་སངས་རྒྱས་ཐམས་ཅད
385b3 ཀྱིས།། བསྟན་པའི་ཚོགས་རྣམས་གསལ་མཛད་ཅིང་།། ཀུན་ཀྱང་ཞིང་ཁམས་རྣམ་པར་དག། ཕྲིན་ལས་ཀུན་ནས་མ་འགགས་པའོ།། རིགས་མཆོག་ལྷུན་གྱིས་གྲུབ་པ་ཡི།། ཕྱག་རྒྱ་གསང་སྔགས་རྒྱུད་ལྡན་པ།། ནམ
385b4 མཁའི་མཐའ་ཀླས་ཡུལ་རྣམས་དང་།། བྱ་བ་ཀུན་ནས་རྣམ་པར་དག། ཐེག་པའི་མཆོག་ནི་བྱེ་བྲག་གནས།། དམ་པའི་ཡུལ་ཀུན་རྫོགས་པ་ཉིད།། དེ་དག་ཆ་ཤས་ཆ་ཤས་འདས།། ལས་དང་འབྲས་བུ་མཐའ་ཡས
385b5 མཆོག། ཕྱི་ནང་རྫས་ཀྱིས་འགྲུབ་པར་འགྱུར།། སངས་རྒྱས་ཐམས་ཅད་བསྒྲུབ་པའི་གནས།། ཕྲིན་ལས་ཡུལ་རྣམས་མཐུན་པའི་རྫས།། ཞི་རྒྱས་དབང་དང་མངོན་སྤྱོད་དང་།། མཉམ་གཉིས་ལྷུན་གྱིས་གྲུབ་པའི
385b6 བདག། རིགས་ཀྱི་དཀྱིལ་འཁོར་རབ་འབར་བ།། རིགས་ཀྱི་ཕྱག་རྒྱ་མཚན་མར་བཅས།། ཡུལ་བཞིའི་ཚོགས་དང་མཉམ་སྦྱོར་ཞིང་།། ཕྱག་རྒྱ་ཡན་ལག་ཀུན་རྫོགས་པ།། ང་ཉིད་སངས་རྒྱས་ཀུན་གྱི་སྐུ།། རབ་རྫོགས
iiif viewer powered by OpenSeadragon
