| e-texts navigator |
| Wylie |
385a1 ཞིང་།། འཁྲུལ་འཁོར་ཕྱག་རྒྱའི་བྱེ་བྲག་གིས།། སངས་རྒྱས་ཀུན་གྱི་གཟུགས་སྟོན་ཅིང་།། མཁའ་ལ་ཀུན་གཟུགས་སྣང་བ་ཡི།། རྡོ་རྗེ་འཁོར་ལོ་རིན་ཆེན་དང་།། པདྨ་རལ་གྲི་སྣ་ཚོགས་གཟུགས།། 1
385a2 བར་སྤྱོད་པའི་ཕྱག་རྒྱ་ཉིད།། མཚན་མའི་དངོས་གྲུབ་སྣ་ཚོགས་པ།། རང་གི་རྟེན་བཞིན་སྐྱེ་བར་འགྱུར།། སྐུ་དང་གསུང་ཐུགས་ལས་བྱུང་བའི།། དངོས་གྲུབ་སྙིང་པོའི་ལྷ་གནས་མཆོག། རང་གནས་མཐོང་བའི་ཡེ
385a3 ཤེས་ཀྱིས།། ས་གསུམ་དབང་ཕྱུག་རྫོགས་པར་འགྱུར།། ཕྱག་རྒྱའི་ཆོ་ག་གང་རྫོགས་པ།། ལམ་ཀུན་བསྐྱེད་པའི་ཡན་ལག་སྟེ།། མི་ཤིགས་དཀྱིལ་འཁོར་སྔགས་ཀྱི་མཐུས།། བྱ་བ་ཆེན་པོའི་དོན་རྫོགས་ཤིང་།། ཟག
385a4 པ་མེད་པའི་དངོས་གྲུབ་མཆོག། རབ་ཏུ་བརྟན་པས་འབྲས་བུ་ཉིད།། སངས་རྒྱས་ཀུན་གྱི་ཡེ་ཤེས་མཆོག། དུས་གསུམ་རྡོ་རྗེ་འདུས་མ་བྱས།། སྣང་དང་སྟོང་པ་ལས་གྲོལ་ཞིང་།། མཐའ་དབུས་དུས་སོགས་མཚན
385a5 རྣམས་བྲལ།། གཉིས་མེད་ཡེ་ཤེས་དངོས་གྲུབ་མཆོག། རང་གནས་བྱང་ཆུབ་སེམས་ལས་སྐྱེ།། སྐྱེ་འགག་རྟག་ཆད་སྤྲོས་པའི་གཞི།། ཞེན་པའི་ཐ་སྙད་ཡུལ་བྲལ་ཞིང་།། ཁྱབ་དང་ཁྱབ་བྱེད་སྣ་ཚོགས་དག། ཡང་དག
385a6 ཆོས་སྐུའི་རང་བཞིན་ལས།། ལོངས་སྤྱོད་རྫོགས་དང་སྤྲུལ་པའི་ཚོགས།། འབྲས་བུའི་མཛད་བཅས་རྣམ་པར་དག། མི་གཉིས་དངོས་གྲུབ་བརྟན་འགྱུར་བའོ།། ཕྱོགས་ཀུན་ནས་ཡང་དག་པར་སྟོན་པའི་ཚུལ་གྱིས། དེ
iiif viewer powered by OpenSeadragon
