| e-texts navigator |
| Wylie |
382b1 མོངས་འཁོར་བའི་གནས།། ཡང་དག་སྤྱོད་གནས་ཐེག་པའི་མཆོག། སྲོག་གཅོད་མ་བྱིན་ལེན་པ་དང་།། རྫུན་ཚིག་ལོག་པར་གཡེམས་པ་དང་།། ཐབས་ཀྱི་ཡན་ལག་ཀུན་འགྱུར་བས།། ཤེས་རབ་ཆེན་པོའི་རྩལ
382b2 རྫོགས་པའོ།། སྐུ་དང་གསུང་ཐུགས་ཡོན་ཏན་དང་།། ཕྲིན་ལས་བྱ་བ་མཐའ་ཡས་པའི།། སྡོམ་བཅས་ཚུལ་ཁྲིམས་དམ་ཚིག་ཉིད།། རིགས་ཀྱི་ཚུལ་བཞིན་འཇུག་པའི་མཆོག། སྔགས་དང་ཕྱག་རྒྱའི་ལས་རྣམས
382b3 ཀྱིས།། ལས་ཀྱི་འཁོར་ལོ་དག་པར་འགྱུར།། རྩ་བ་ལྔ་དང་ཡན་ལག་བཅུ།། རྣམ་པར་སྤྲོས་པའི་ཚོགས་ལྡན་པས།། གཉིས་དང་གསུམ་གྱི་ཆ་ཤས་རྫོགས།། རིགས་མཐུན་སྤྱོད་པ་བཟང་པོ་ཡིས།། དྲུག་ཅུ་རྩ་བརྒྱད
382b4 ཡན་ལག་ཉིད།། ཐབས་དང་ཤེས་རབ་ཚུལ་འཇུག་པས།། ཕྱག་རྒྱའི་ལས་ཀུན་མཐའ་ཡས་པ།། བཀོད་དང་ཡང་དག་བཀོད་པ་དང་།། རྣམ་པར་བཀོད་པའི་འཁོར་ལོ་ཉིད།། ཟིན་པ་སྐྱོན་བྲལ་ཐིག་ལེ་ཉིད།། བརྟན
382b5 པ་ཉེ་བའི་ལས་དག་གིས།། སུམ་བརྒྱ་དྲུག་ཅུའི་ཡན་ལག་རྫོགས།། དེ་དག་འཁོར་ལོའི་ཚུལ་བཞིན་དུ།། ཡན་ལག་བདུན་གྱི་བདག་ཉིད་ཅན།། ངོ་བོ་སུམ་ཅུ་རྩ་གཉིས་ཏེ།། རབ་ཏུ་སྦྱོར་བས་དྲུག་ཅུ་བརྒྱད།། རིང་དུ
382b6 བསྐོར་ཞིང་མ་འདྲེས་པ།། རྩོལ་བའི་བྱེ་བྲག་རྒྱུ་དང་བྲལ།། གནས་སྐབས་ཡུལ་ཀུན་རྫོགས་པ་ཡིས།། རང་དང་སྤྱི་ཡི་མཚན་ཉིད་རྒྱས།། སྤྱི་གསང་བཞི་དང་བར་གསང་བཞི།། གསང་བར་འོས་དང་གཉེར་གཏད
iiif viewer powered by OpenSeadragon
