| e-texts navigator |
| Wylie |
381b1 པས།། ཆ་ཤས་ཟུང་འཇུག་ཡུལ་ལས་འདས།། ཕྱི་ནང་ཁམས་གསུམ་དེ་ལྟ་བུ།། བདེ་བ་ཆེན་པོའི་དངོས་ཉིད་དོ།། དེ་ལས་གཞན་ཡང་བཤད་བྱ་བ།། རྗེས་སུ་འཇུག་པའི་ཕྱག་རྒྱ་ཉིད།། ཟིལ་པའི་ཐིག་ལེ་སྔོན་ལམ
381b2 བཞིན།། བཅུ་དྲུག་ཕྱེད་ཕྱེད་ཐིག་ལེ་གཅིག། ཕན་ཚུན་འཁོད་པའི་སྟོབས་ཉིད་ཀྱིས།། བདེ་བ་གཉིས་པའི་ངོ་བོ་རྫོགས།། གསུམ་པ་ཡེ་ཤེས་དཀྱིལ་འཁོར་དུ།། གསལ་རྫོགས་ཤར་བར་གྱུར་པའི་སྒྲ།། རང་བཞིན
381b3 འོད་གསལ་དཀྱིལ་འཁོར་རོ།། དེ་ལས་གཞན་ཡང་བཤད་བྱ་བ།། རྡོ་རྗེ་ཉི་མ་ཐབས་ཀྱི་རྒྱ།། ཕུང་ཁམས་ཕྱག་རྒྱའི་ཚོགས་དང་ལྡན།། དེ་ལ་བསིལ་བྱེད་ཤེས་རབ་དངོས།། དུས་གཅིག་རོ་མཉམ་ཐིག་ལེ་ཆེ།། སུམ་ཅུ
381b4 རྩ་གཉིས་མཚན་རྫོགས་ཤིང་།། ཟླ་བའི་ཡེ་ཤེས་ལྔ་བཅུ་དྲུག། དཔེ་བྱད་ལ་སོགས་དཔག་ཏུ་མེད།། སེམས་ཤེས་མངོན་པར་ཤེས་དང་ལྡན།། སེམས་དཔའ་འགྲོ་འོངད་རྫུ་འཕྲུལ་ཤེས།། གནས་ནས་ལོག་པ་ཐིམ་པའི
381b5 སྒྲ།། མཐའ་གཉིས་མ་གོས་པདྨ་ཅན།། སྤྲུལ་པའི་གནས་ནས་བཀྱེ་བ་ཡིས།། བཞི་བཅུ་རྩ་ལྔ་ལ་སོགས་མཐའ་ཡས་ཀུན།། རང་རིག་ཉིད་ལས་དང་གསལ་བ།། བཅུ་གསུམ་ཡི་གེ་འཁོར་ལོར་རྫོགས།། ཞེས་གསུངས
381b6 པས་སྨིན་པར་གྱུར་ཏོ།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བའི་སྙིང་པ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས།། དབང་གི་ལེའུ་སྟེ་བདུན་པའོ།། །། དེ་ནས་བཅོམ་ལྡན་ཀུན་ཏུ་བཟང་།། རང་གི་དཀྱིལ
iiif viewer powered by OpenSeadragon
