| e-texts navigator |
| Wylie |
381a1 མེད།། ཡང་དག་བརྟན་པས་སྐུ་རྣམས་རྫོགས།། ཁམས་གསུམ་ཐམས་ཅད་དེ་ལྟ་བུར།། མངོན་པར་བྱང་ཆུབ་ཡེ་ཤེས་ཉིད།། རང་བཞིན་རྒྱལ་བ་ཐམས་ཅད་ཀྱི།། ཕྱག་རྒྱ་བདེ་ཆེན་གསང་བའི
381a2 མཆོག། ཐམས་ཅད་ཡུལ་ཀུན་རྫོགས་པར་གནས།། བདེ་ཆེན་ཞི་བའི་ངོ་བོ་ཉིད།། ཁམས་བཅུར་བདེ་བའི་ལམ་གཉིས་དང་།། དབུ་མ་བཅུད་འདུས་མཚན་ལྡན་པ།། དྲ་བའི་རྩ་དང་དབང་པོ་དང་།། ཕུང་སོགས་ཡེ
381a3 ཤེས་བདེ་འཁོར་ལོ།། ཧཱུཾ་གི་བདེ་བ་ཡེ་ཤེས་བཅས།། ཚོགས་བརྒྱད་རིན་ཆེན་ཡེ་ཤེས་ལྔ།། སྔགས་རྫས་དགོངས་པས་གང་བླངས་པ།། ཀུན་ནས་ལྡང་ཞིང་སྐྱོབ་པ་ཡིས།། སྡུག་བསྔལ་ལས་གྲོལ་རིགས་སུ་ངེས།། མི
381a4 བསྐྱོད་ཡབ་ཡུམ་རོལ་པ་ལས།། བདེ་བ་གསལ་ཞིང་མི་དམིགས་པ།། ཤེས་རབ་ཐབས་ཀྱི་ཕྱག་རྒྱའོ།། རྡོ་རྗེ་ཡེ་ཤེས་ཧཱུཾ་ཚོགས་ཀྱིས།། པདྨ་ཡེ་ཤེས་བསྡུས་པར་འཁྱིལ།། ཉུང་དཀར་ཚད་ཙམ་རྡོ་རྗེ་སེམས།། རྩེ་ནས
381a5 ཕྱིན་པ་ཡིས།། རང་བཞིན་ཆོས་ཁམས་དཀྱིལ་འཁོར་རྫོགས།། ས་བོན་ཟུང་འཇུག་གཉིས་དང་བཅས།། གནས་ངན་ལེན་པ་གསུམ་སྦྱངས་ཏེ།། དམིགས་མེད་སེམས་ཀྱི་ཡེ་ཤེས་ལྔ།། གསལ་བས་ས་བོན་ཚིག
381a6 པ་བཞིན།། མི་སྐྱེ་ཐབས་ཀྱིས་དབུགས་དབྱུང་བའོ།། ཐམས་ཅད་རང་གི་བྱང་ཆུབ་སེམས།། ས་བོན་ཉི་ཟླའི་དཀྱིལ་འཁོར་བརྩེགས།། འཁོར་ལོའི་ཁམས་རྣམས་སྦྱོར་བ་ཡིས།། གསང་བའི་ཐིག་ལེ་ཀུན་རྒྱས
iiif viewer powered by OpenSeadragon
