| e-texts navigator |
| Wylie |
380b1 བསྟན་པར་མཛད།། ལྷག་པའི་དམ་ཚིག་གནས་རྣམས་ཀྱི།། ཡེ་ཤེས་ཡན་ལག་ཚུལ་འཇུག་པ།། ཀུན་མཆོག་འབྲེལ་པ་མེད་པའི་ཆོས།། རང་བཞིན་རྫོགས་པའི་བདག་ཉིད་དོ།། ཡང་དག་ཡེ་ཤེས་འདོད་པ
380b2 ཡིས།། མགོན་པོ་ཀུན་མཆོག་ལ་གསོལ་འདེབས།། མཆོད་བསྟོད་མཉེས་པའི་ཡན་ལག་གིས།། རིགས་ཀྱི་ཕོ་བྲང་ཉེ་བར་མཛེས།། ཕྱག་རྒྱ་རིགས་དང་མཐུན་པའི་ཡུམ།། དབང་བསྐུར་བྱིན་རླབས་རྫོགས་བྱས
380b3 ཏེ།། ཚུལ་བཞིན་མངོན་པར་སྦྱངས་པ་དང་།། རོལ་པའི་བརྟུལ་ཞུགས་རྣམ་པ་བདུན།། དཀྱིལ་འཁོར་ལུས་ཀྱི་བདག་ཉིད་ལ།། བྱང་ཆུབ་སེམས་ཀྱི་ཆ་རྫོགས་འགྱུར།། ལས་རྣམས་བརྟན་པའི་ཐིག་ལེ་ཉིད།། ཕྱག་རྒྱ
380b4 བདེ་བའི་ཆ་སྐྱེད་ཅིང་།། ལོངས་སྤྱོད་གནས་སུ་ཡང་དག་ཉིད།། ཀུན་ཏུ་མཉེས་པའི་འཁོར་ལོ་མཆོག། ཐམས་ཅད་གསལ་ཞིང་རྫོགས་པར་འགྱུར།། ཤེས་རབ་ལས་བྱུང་ཡེ་ཤེས་ཏེ།། རང་གནས་ཕྱག་རྒྱ་ཆེན་པོའི
380b5 བདག། ཡང་དག་གསོལ་གདབ་མཐུན་པའི་གྲོགས།། མཆོད་པ་ཀུན་གྱིས་མཉེས་པར་བྱ།། བྷ་ག་དཀྱིལ་འཁོར་ཇི་བཞིན་པར།། ཐར་པ་ཆེན་པོའི་གྲོང་ཁྱེར་མཆོག། རིགས་ཀུན་ཐབས་དང་ཤེས་རབ་ཀྱིས།། མཚན
380b6 བཅས་མཚན་མ་མེད་པའི་དངོས།། བདེ་བའི་ཡེ་ཤེས་མཉམ་རྫོགས་པའི།། དོན་ཀུན་གསལ་བའི་ངོ་བོ་ཉིད།། དགའ་དང་རྗེས་སུ་དགའ་བ་དང་།། དགའ་བྲལ་ལྷན་ཅིག་སྐྱེས་པའི་མཆོག། རང་བྱུང་ཡེ་ཤེས་ཟག་པ
iiif viewer powered by OpenSeadragon
