| e-texts navigator |
| Wylie |
379b1 སེམས་དཔའ་སྤྲོ་ཞིང་བསྡུ།། བྱིན་རླབས་དབང་བསྐུར་མཚན་མས་བརྒྱན།། ཡེ་ཤེས་དཀྱིལ་འཁོར་གཉིས་མེད་པར།། མཉེས་མཛད་རིགས་ཀྱི་གསང་སྔགས་རྫོགས།། གོ་ཆ་བརྟན་པས་དབང་བསྐུར་ཞིང་།། བདེ
379b2 གཤེགས་སྨན་གྱི་དངོས་གྲུབ་གནས།། ཐུགས་རྗེའི་དཀྱིལ་འཁོར་འབར་བ་ལ།། རྡོ་རྗེའི་རིགས་མཆོག་གཙོ་གཟུངས་སྦྱོར།། ལག་པའི་འཁོར་ལོའི་གཞལ་ཡས་སུ།། པདྨའི་རིགས་ཀུན་མཉམ་པར་སྦྱོར།། འཁོར་ལོ
379b3 ལྔ་ཡི་གནས་བཞུགས་པས།། རིགས་ཀྱི་དཀྱིལ་འཁོར་ཀུན་བདག་ཉིད།། རྣམ་གསུམ་ཆོ་གས་རྫོགས་པ་ཡིས།། གཙོ་དང་སྤྲུལ་པའི་ཚོགས་བཅས་རྣམས།། ཕྱག་རྒྱ་རྒྱན་གྱིས་ཀུན་ཏུ་བརྗིད།། རིགས་ཀྱི་ལྷ་དང་སྒོ
379b4 བའི་ཚོགས།། དབང་བསྐུར་བྱིན་རླབས་རྫོགས་པ་དང་།། ཡེ་ཤེས་དཀྱིལ་འཁོར་གསལ་བར་དགུག། ཚད་མེད་བཞི་ཡི་གནས་བརྟན་ནས།། ཡང་དག་མཆོད་ཅིང་བསྟོད་བྱས་ཏེ།། སྔགས་དང་ཕྱག་རྒྱས་བྱིན་བརླབས
379b5 ཤིང་།། འོད་ཟེར་སྤྲོ་དང་བསྡུ་བ་ཡིས།། སངས་རྒྱས་ཀུན་བདག་ངོ་བོ་ཉིད།། རང་གི་གནས་སུ་བསྟིམ་བྱས་ཏེ།། དབང་བསྐུར་སྣང་བ་ཡེ་ཤེས་རྫོགས།། རྡོ་རྗེ་དྲིལ་བུའི་ཕྱག་རྒྱ་ཡི།། བརྟུལ་ཞུགས་བཟང་པོ་བླ་ན
379b6 མེད།། ཐབས་ཀྱི་ཡེ་ཤེས་བརྟན་པ་ཉིད།། འོད་འཕྲོ་ཤེས་རབ་དབྱིངས་སུ་འཁྱིལ།། ཆ་ལུགས་མཚན་རྫོགས་ཕྱག་རྒྱའི་སྐུ།། དོན་ཀུན་དངོས་གྲུབ་བཟང་པོ་ཡི།། ཐེག་ཆེན་གསང་བ་བླ་མེད་པར།། ཕྱག་རྒྱའི་ཆོ་ག་སྣ
iiif viewer powered by OpenSeadragon
