| e-texts navigator |
| Wylie |
379a1 དག། ས་རྣམས་བྱ་བ་ཀུན་རྫོགས་ཤིང་།། དམ་ཚིག་ཆེན་པོའི་གནས་ཆེན་འགྲུབ།། གནས་བཞི་ཡི་གེའི་མཚན་མ་ལ།། འབྱུང་བའི་དཀྱིལ་འཁོར་རིམ་བཞིན་བརྩེགས།། ཐུགས་རྗེ་ཆེན་པོའི་གནས་ཡིན
379a2 ཏེ།། རྒྱལ་བ་ཀུན་གྱིས་གཟིགས་པར་འགྱུར།། རིགས་ཀྱི་ཕྱག་རྒྱའི་ཚོགས་རྣམས་ཀྱིས།། ལས་ཚོགས་ཉོན་མོངས་རྣམ་པར་དག། ཕྱོགས་བཅུའི་དཀྱིལ་འཁོར་མ་འདྲེས་པ།། དེར་གནས་བྱིན་རླབས་རོལ་པས
379a3 མཆོད།། སྐུ་གསུང་ཐུགས་ཀྱི་རྟགས་སྟོན་ཅིང་།། ཕྱག་རྒྱ་མི་ཤིགས་འབེབས་པར་འགྱུར།། ཡེ་ཤེས་སེམས་དཔའི་ཐུགས་གསང་བ།། རང་སྔགས་ཕྱག་རྒྱ་ཡང་དག་འབེབས།། ཀུན་མཆོག་གསལ་བ་ལྷང་དེ
379a4 བའི།། ཐམས་ཅད་དཀྱིལ་འཁོར་རྫོགས་པའི་མཆོག། རང་གི་སྔགས་དང་ཕྱག་རྒྱའི་མཐུས།། གྲོང་ཁྱེར་ཐམས་ཅད་རྣམ་པར་གྲོལ།། རིགས་རྣམས་སོ་སོའི་མཚན་ལྡན་གནས།། ཤེས་རབ་ཕ་རོལ་ཕྱིན་པའི
379a5 ཚུལ།། རབ་ཏུ་བརྟགས་པའི་གནས་ཆེན་པོ།། ཉེ་བར་སྦྱོང་བས་བྱིན་བརླབས་ཤིང་།། གཉིས་མེད་རོལ་པའི་སྦྱོར་བ་མཛད།། ཐབས་དང་ཤེས་རབ་གསང་བའི་རྒྱུན།། འོད་ཟེར་སྔགས་ཀྱིས་ཀུན་སྤྲོས་ཏེ།། རིགས་ཀྱི
379a6 དཀྱིལ་འཁོར་མཉེས་མཛད་ཅིང་།། རྣམ་པར་བསྡུས་པས་གནས་རྫོགས་པ།། དེ་དག་ལྷག་པའི་བདག་ཉིད་ཅན།། ཉན་བྱེད་རྣ་བའི་གཞལ་ཡས་སུ།། རིན་ཆེན་རིགས་མཆོག་དཀྱིལ་འཁོར་རྫོགས།། རྣམ་གསུམ
iiif viewer powered by OpenSeadragon
