| e-texts navigator |
| Wylie |
377b1 ཚོགས་ལས་རྒྱལ།། རང་གི་ཕྱག་རྒྱ་རྫོགས་པ་ཡི།། དུས་རྣམས་ཀུན་ཏུ་སྲུང་བའི་མཆོག། བདུད་བཞིའི་མཚན་མས་མི་ཚུགས་ཤིང་།། མཐའ་བཞིའི་གཡུལ་ལས་རྒྱལ་བའི་རྟགས།། ཆོས་ཀྱི་རྒྱལ་མཚན་བླ་ན
377b2 མེད།། གསང་བའི་སྔགས་རྣམས་ཀུན་གྱིས་མཛེས།། ཐེག་པ་ཆེན་པོ་གཉིས་མེད་པའི།། ཡོན་ཏན་རིན་ཆེན་རིགས་ཀུན་བདག། སྐུ་གསུང་ཐུགས་ཀྱི་རྡོ་རྗེ་ཉིད།། སངས་རྒྱས་ཀུན་གྱི་ཡེ་ཤེས་ཏེ།། རིགས་ཀྱི་འཁོར་ལོ།
377b3 བླ་ན་མེད།། དེ་བཞིན་གཤེགས་པ་ཐམས་ཅད་ཀྱི།། སྐུ་ཡི་སྐུ་སྟེ་སྐུ་ཡི་མཆོག། གསུང་གི་དམ་ཚིག་གསུང་ཆེན་པོ།། ཐུགས་རྗེ་ཐུགས་ཀྱི་བདག་ཉིད་ལས།། ཡོན་ཏན་ཀུན་འབྱུང་བདེ་བ་ཉིད།། ཕྲིན་ལས་ཡུལ་ཀུན
377b4 རྫོགས་པར་སྤྱོད།། བདེ་གཤེགས་པདྨ་རྡོ་རྗེ་དང་།། རིན་ཆེན་རྒྱ་གྲམ་བླ་ན་མེད།། མ་ལུས་འདོད་པའི་དོན་སྐོང་ཞིང་།། རིགས་མཆོག་དཀྱིལ་འཁོར་བརྟན་པར་མཛད།། ཉོན་མོངས་བདུད་ཀུན་ཟིལ་གནོན
377b5 པས།། ཕྱག་རྒྱའི་ཡེ་ཤེས་བརྟན་པར་འགྱུར།། མཐའ་འདས་ཆོས་ཀུན་བསྟན་པ་ཉིད།། བྱིན་རླབས་དེ་བཞིན་ཉིད་ཀྱི་མཆོག། ཐུས་རྗེའི་འོད་ཟེར་དཔག་མེད་ཅིང་།། མ་ལུས་ཡུལ་ཀུན་ཁྱབ་པའི་ཆོས།། ཚད་མེད་བཞི
377b6 གནས་ཆར་ཁེབས་མཛེས།། ཕ་རོལ་ཕྱིན་པའི་གནས་ཀྱི་ཚོགས།། ཡང་དག་བསྡུས་པའི་རྒྱན་གྱི་གཞི།། གདུགས་མཛེས་གསེར་གྱི་ཡུ་བ་ཅན།། དོན་ཀུན་སྤྱོད་པས་ཉེ་བར་འཁོར།། སངས་རྒྱས་ཐམས་ཅད་བཞུགས
iiif viewer powered by OpenSeadragon
