| e-texts navigator |
| Wylie |
377a1 པར་སྦྱང་།། ཡེ་ཤེས་བྱིན་རླབས་སྟོབས་རྫོགས་པའི།། མཚན་མ་བཟང་པོ་ཁྱོད་ཀྱི་རྒྱན།། ཡབ་ཡུམ་ཟབས་དང་ཤེས་རབ་ཀྱིས།། མངོན་སྦྱོར་རོལ་པའི་བྱིན་རླབས་རྫོགས།། མཚན་དང་དཔེ་བྱད
377a2 མཐའ་ཡས་པ།། མ་ལུས་ཡུལ་ཀུན་ཉེ་བར་མཉེས།། ཅོད་པན་བཟང་པོ་འདི་ཉིད་ནི།། དབང་དང་མངོན་པར་ཤེས་པའི་རྟགས།། ཐེག་པ་ཐམས་ཅད་མ་འདྲེས་པའི།། ཡོན་ཏན་རིགས་རྣམས་ཏིང་ངེ་འཛིན།། བྱིན
377a3 རླབས་ངོ་མཚར་ཡུལ་རྫོགས་པས།། དབྱིངས་དང་ཡེ་ཤེས་མཉམ་པ་ཉིད།། ཁམས་གསུམ་ཆོས་ཀྱི་རྒྱལ་མཚན་གྱིས།། ཤེས་བྱའི་གནས་ཀུན་གསལ་བར་མཛད།། བྱང་ཆུབ་ཡན་ལག་མེ་ཏོག་ཕྲེང་།། ལམ་གྱི་ཡན
377a4 ལག་བརྒྱད་གནས་འཇུག། སྟོབས་དང་མི་འཇིགས་ཀུན་རྫོགས་པས།། རང་བྱུང་བྱང་ཆུབ་སེམས་ཀྱི་རྒྱན།། རིགས་མཆོག་གསང་སྔགས་ཆེ་ལས་བྱུང་།། ཐེག་པའི་མཐའ་རྣམས་རྫོགས་པའི་ཚུལ།། ཅིས་ཀྱང་མི
377a5 ཚུགས་མི་ཤིགས་པའི།། སྟོང་པའི་གོ་ཆ་བླ་ན་མེད།། མཚན་མའི་ཡུལ་ཀུན་འཇོམས་བྱེད་ཅིང་།། ཡང་དག་ཆོས་རྣམས་མཉམ་པར་གནས།། ལས་ཀྱི་བག་ཆགས་ཀུན་ལས་རྒྱལ།། དེ་དག་ཡེ་ཤེས་ཆེན་པོའི
377a6 སྟོབས།། ཉོན་མོངས་མཚན་མ་ཀུན་འཇོམས་ཤིང་།། རིགས་མཆོག་དངོས་གྲུབ་བརྟན་བྱེད་པ།། རྡོ་རྗེ་འཁོར་ལོ་རལ་གྲི་དང་།། པདྨ་རིན་ཆེན་བླ་ན་མེད།། གོ་ཆ་བཟང་པོས་བརྟན་བྱས་པས།། མི་མཐུན་རྟོག་པའི
iiif viewer powered by OpenSeadragon
