| e-texts navigator |
| Wylie |
376b1 རླབས་ཉིད།། ཐོབ་དཀའ་ཐོབ་པས་ཀུན་ནས་འཇུག། བྱིན་གྱིས་རློབས་ཤིག་སྟོན་པ་མཆོག། དབང་བསྐུར་གསང་བ་ལས་བྱུང་བའི།། ཚུལ་འདི་ཉེ་བར་རྫོགས་བྱས་པའི།། གཉེན་པོས་ཡུལ་ཀུན་འཇོམས་བྱེད་ཅེ
376b2 ང།། སྐུ་གསུང་ཐུགས་ཀྱི་བྱིན་རླབས་མཆོག། མ་ལུས་ཀུན་ནས་ཉམས་པ་རྣམས།། ཐུགས་རྗེའི་བདུད་རྩིས་བརླན་པར་མཛོད།། ཀུན་ནས་སྤྱོད་དང་ཡང་དག་སྤྱོད།། ཤིན་ཏུ་སྤྱོད་པ་རྒྱ་ཆེན་མཆོག། ཐབས་དང་ཤེས
376b3 རབ་ཕྱོགས་རྣམས་སུ།། ཡང་དག་སྦྱར་བའི་བདུད་རྩི་ཡིས།། སྲས་ཀྱི་ཚོགས་རྣམས་ཁྱབ་མཛད་དེ།། རིག་མཆོག་སེམས་དཔའ་དབང་བསྐུར་ཞིང་།། ཕ་རོལ་ཕྱིན་རྫོགས་དོན་སྟོན་མཛད།། དེ་ལྟར་རྒྱ་ཆེན་འགྲོ་གནས
376b4 ཀུན།། ཐམས་ཅད་ཅིག་ཅར་འཇུག་པའི་མཐུས།། ཡུལ་དང་ཡུལ་ཅན་རྣམ་པར་སྦྱོར།། རིགས་ཀྱི་རྒྱལ་བ་འགྲོ་བའི་སྐྱབས།། མ་ལུས་ཁ་ལོ་བསྒྱུར་བའི་གཙོ།། རིགས་མཆོག་དཀྱིལ་འཁོར་རྫོགས་པ་རུ།། དབང
376b5 བསྐུར་ཐུགས་རྗེ་ཆེ་ལས་འབྱུང་།། ཕྱོགས་བཅུ་ཐམས་ཅད་སངས་རྒྱས་ཀྱིས།། ཡང་དག་དཀྱིལ་འཁོར་བརྟན་པའི་བདག། ཉོན་མོངས་དྲི་གནས་ཀུན་སེལ་བས།། བུམ་པའི་ཆུ་ཡིས་དག་པར་འགྱུར།། རིན་ཆེན་སྣ
376b6 ཚོགས་རྫས་ཀྱིས་སྤྲས།། རིགས་ལྔའི་སངས་རྒྱས་རྒྱན་དུ་ཐོགས།། བྱང་ཆུབ་སེམས་གནས་ཡེ་ཤེས་ཉིད།། བུམ་པའི་རྫས་ལས་མངོན་པར་འབྱུང་།། ཨོཾ་རིགས་ཀྱི་དབུ་རྒྱན་བླ་མེད་པས།། ཉོན་མོངས་གནས་ཀུན་རྣམ
iiif viewer powered by OpenSeadragon
