| e-texts navigator |
| Wylie |
376a1 དུ།། ས་གནས་ཡན་ལག་ཀུན་རྫོགས་ཤིང་།། དེ་ནས་དཀྱིལ་འཁོར་ཉེ་བར་རྫོགས།། བུམ་པ་མཚན་མ་མཆོད་པའི་རྫས།། རིགས་ཀྱི་བྱིན་བརླབས་མངོན་བདག་ཉིད།། ཕྲིན་ལས་བཞི་ཡི་ལས་རྫོགས
376a2 པས།། དེ་དག་སྦྱོར་བའི་ཡན་ལག་ཉིད།། ཕྱི་དང་ནང་གི་སྦྱིན་སྲེག་གིས།། བྱང་ཆུབ་སེམས་དངོས་རྒྱས་པར་འགྱུར།། ཡུལ་རྣམས་ཉེ་བར་སྤྱད་བྱས་པས།། མཚན་བཅས་མཚན་མ་མེད་པའི་དབྱིངས།། སངས་རྒྱས
376a3 ཀུན་གྱི་གནས་འདི་ནི།། དེ་ནི་སྟོན་པས་གསུངས་པ་ཡིན། ཐམས་ཅད་དུ་ཉེ་བར་སྦྱོར་བའི་ཚུལ་གྱིས་སྨིན་པར་བྱ་བའི་གནས་ལ་འཇུག་པའོ།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བའི་སྙིང་པོ་དེ་ཁོ་ན་ཉིད་རོལ
376a4 པ་ཆེན་པོའི་རྒྱུད་ལས། གཟུགས་བརྙན་གྱི་དཀྱིལ་འཁོར་གྱི་ལེའུ་སྟེ་དྲུག་པའོ།། །། དེ་ནས་འགྲོ་གནས་མ་ལུས་ཀུན།། རྣམ་པར་སྦྱོང་བའི་ཐབས་ཆེན་གྱིས།། དཀྱིལ་འཁོར་སྤྲུལ་པ་ཀུན་སྟོན་ཅིང་།། ཐབས་དང
376a5 ཤེས་རབ་གཉིས་མེད་སྦྱོར།། རིགས་ཀྱི་སངས་རྒྱས་ཀུན་བསྡུས་ཏེ།། རང་གི་དབང་བསྐུར་གནས་རྫོགས་པས།། ཕྱོགས་རྣམས་ཀུན་ནས་གསོལ་གདབ་ཅིང་།། དཀྱིལ་འཁོར་བཀོད་པའི་དོན་བསྟན་མཛད།། རིགས
376a6 ཀྱི་བྱ་ཆུབ་སེམས་རྣམས་ཀྱིས།། ཕྱག་རྒྱའི་གར་རྣམས་སྣ་ཚོགས་པས།། ལེགས་སྤྱོད་རོལ་མོ་མཆོད་པའི་ཚོགས།། གླུ་དབྱངས་སྙན་པས་གསོལ་བ་གདབ།། སྒྱུ་འཕྲུལ་དྲ་བ་རྫོགས་བྱེད་པའི།། སངས་རྒྱས་སྐུ་ནི་བྱིན
iiif viewer powered by OpenSeadragon
