| e-texts navigator |
| Wylie |
373a1 གདགས།། ཀུ་ཤ་སར་པ་མ་གྲུགས་པ།། དྲི་ཡི་ཆུ་ཡིས་ཉེར་སྦྱངས་ཤིང་།། ཐབས་དང་ཤེས་རབ་གསང་སྔགས་ཀྱིས།། སྔས་དང་སྟན་ལ་སྦྱིན་པར་བྱ།། ལས་ཀུན་རྨི་ལམ་མཚན་མ་སོགས།། རབ་ཏུ
373a2 བརྟགས་པས་གནས་ཀུན་གྱིས།། དགེ་སྡིག་མཚན་མ་ཇི་ལྟ་བར།། བསལ་སྦྱང་བསྲུང་དང་ལྷག་པའི་ལས།། འཁོར་གནས་ཟིལ་གྱིས་གནོན་བྱེད་པའི།། རྡོ་རྗེ་ཐེག་པ་བླ་ན་མེད།། མ་ལུས་ཁམས་རྣམས་དག་བྱེད
373a3 པ།། དེ་ཉིད་བསྟན་པ་དོན་ཆེན་རྫོགས།། མཐོང་དཀའ་རབ་ཏུ་རྫོགས་པ་ཡིས།། བརྟུལ་ཞུགས་བཟང་པོ་འདི་ལྟ་བུ།། དམ་པའི་ཡུལ་རྣམས་རྫོགས་བྱེད་པའི།། ཐར་པའི་གྲོང་ཁྱེར་བླ་ན་མེད།། སངས་རྒྱས་ཐམས
373a4 ཅད་འཇུག་པའི་གནས།། དེ་ནས་མཐོང་གྱུར་སྤྲོ་བ་བསྐྱེད།། ལམ་འདི་ཕན་ཡོན་བླ་མེད་པའི།། ཚེ་འདིས་རིགས་ཀྱི་དངོས་གྲུབ་དང་།། ཡོན་ཏན་ལྷུན་རྫོགས་འབྲས་བུའི་མཆོག། ཤིན་ཏུ་དབེན་པའི་ས་གཞིར་ནི།། དྲི
373a5 མཆོག་རྫས་ཀྱིས་སྦྲང་བྱས་ཏེ།། ལས་ཀུན་མངོན་པར་བསྔགས་པ་ཡི།། སྤྲིན་བསྲེག་ཆོ་ག་བརྩམ་པར་བྱ།། ཇི་སྙེད་བྱ་བའི་ཚོགས་རྣམས་ཀུན།། དེ་ནས་མངོན་པར་འགྲུབ་བྱེད་པ།། ཕྱི་དང་ནང་གི་ཏིང་འཛིན
373a6 གྱིས།། ལས་ཀྱི་དངོས་གྲུབ་ཀུན་རྫོགས་འགྱུར།། དེ་དག་སྦྱིན་བསྲེག་རྒྱ་ཆེན་པོས།། ཉེ་བར་སྦྱར་ཞིང་རྫོགས་བྱེད་སྟེ།། བྱ་བའི་ཆ་རྣམས་སྨིན་པའི་སྒོ།། ཞི་རྒྱས་དབང་དྲག་ལས་ཀུན་གྱི།། ཕྲིན་ལས་སོ་སོའི་བྱེ་བྲག
iiif viewer powered by OpenSeadragon
