| e-texts navigator |
| Wylie |
371a1 དག། མཆོད་པ་རྣམ་པ་ལྔ་རྣམས་དང་།། གདུགས་དང་རྒྱལ་མཚན་བ་དན་བཅས།། རོལ་མོའི་ཆ་བྱད་སྣ་ཚོགས་པའི།། སིལ་སྙན་གླུ་ལ་སོགས་པ་དག། ཕྱོགས་མཚམས་ཀུན་ནས་ཉེ་བར་བརྒྱན།། དེ
371a2 དག་གཏོར་མའི་རྫས་ཀུན་གྱིས།། འགྲོ་བའི་ཚོགས་རྣམས་ཚིམས་པར་མཛད།། འདོད་པའི་རྫས་རྣམས་མ་ལུས་པ།། དང་པོ་ཡེ་ཤེས་མེས་བསྲེག་ཅིང་།། རྣམ་དག་བྱང་ཆུབ་སེམས་ཀྱི་ཁྲུས།། རབ་ཏུ་འཕྲུལ་པས་རྒྱ
371a3 ཆེན་པོ།། ཀུན་ཏུ་བཟང་པོའི་ལོངས་སྤྱོད་ཅིང་།། ནམ་མཁའི་བར་སྣང་གཏིབས་པ་ཡི།། འདོད་པའི་ལོངས་སྤྱོད་སྣ་ཚོགས་དང་།། རིན་ཆེན་ལོངས་སྤྱོད་ཉེ་བའི་རྫས།། ལྷ་མོའི་དཀྱིལ་འཁོར་རྒྱ་ཆེན་པོ།། ཚོགས
371a4 རྣམས་ཀུན་ནས་ཉེ་བར་སྤྲུལ།། སོ་སོའི་འདོད་པའི་ལོངས་སྤྱོད་བཞིན།། མཐའ་ཡས་རྣམ་པར་སྤྲོས་པ་ཡིས།། ཅི་བདེར་ཚིམས་པ་རྒྱན་གྱི་མཆོག། མཐའ་ཡས་ཐོག་མ་མེད་པའི་དབྱིངས།། ཡེ་ཤེས་དཀྱིལ་འཁོར
371a5 མངོན་སངས་རྒྱས།། འགྲོ་རྣམས་ཉེ་བར་སྦྱངས་བྱས་ཏེ།། རང་བཞིན་རྣམ་དག་ལྷ་ཡི་སྐུ།། དཀྱིལ་འཁོར་ཆ་ལུགས་རྒྱན་དང་བཅས།། རིགས་ཀྱི་ཕྱག་རྒྱ་རྫོགས་པའི་བདག། ཀུན་ནས་གྲོང་ཁྱེར་ཆེན་པོ་དག། ཉེ་བར
371a6 དག་པའི་ལོངས་སྤྱོད་དེ།། བཀྲ་ཤིས་བསྲེག་ཁང་བཟང་པོར་ནི།། བྱ་བའི་ལས་ཀུན་ཚིམས་པར་འགྱུར།། ཕྱོགས་རྣམས་ཀུན་ན་བཞུགས་པ་ཡི།། དཀྱིལ་འཁོར་ཐམས་ཅད་འགྲུབ་པའི་ཕྱིར།། རབ་ཏུ་གནས་པའི་བྱ
iiif viewer powered by OpenSeadragon
