| e-texts navigator |
| Wylie |
370a1 བསླང་བའི་རྒྱུད་དག་གིས།། ཕྱོགས་བཞིའི་དཀྱིལ་འཁོར་རྫོགས་པ་མཆོག། ཚད་མེད་གནས་ཀྱིས་རྒྱུན་ལྡན་པ།། རིགས་ཀྱི་ཕྲིན་ལས་ཡེ་ཤེས་སྦྱོར།། ཨོཾ་སངས་རྒྱས་ཀུན་གྱི་སྐུ་གསུང་ཐུགས།། རྣམ
370a2 དག་རྫོགས་པའི་དཀྱིལ་འཁོར་ཉིད།། མི་ཤིགས་དྲི་མ་ཀུན་དང་བྲལ།། ཐུགས་རྗེ་འོད་ཟེར་ཉི་དཀྱིལ་བཞིན།། ས་གནས་ལམ་ཀུན་རྫོགས་མཛད་པ།། རབ་ཏུ་སྦྱངས་པའི་སྟོབས་རྫོགས་ཤིང་།། ཐ་སྙད་མི་གཉིས
370a3 ཡུལ་དང་བྲལ།། བྱང་ཆུབ་སེམས་མཆོག་སྒྲིབ་པ་མེད།། འགྲོ་གནས་ཐུགས་རྗེའི་རྒྱུན་བཅས་པས།། རང་གི་ཡེ་ཤེས་འདུས་མ་བྱས།། ཐེག་པ་མཆོག་ལྡན་སྔགས་ཀྱི་རྒྱུན།། ཕྱག་རྒྱའི་དཀྱིལ་འཁོར་གསལ་མཛད
370a4 ཅིང་།། རང་བཞིན་ཕྱག་རྒྱའི་གནས་སུ་འཇུག། ཉི་ཟླ་རླུང་གི་དཀྱིལ་འཁོར་ལས།། འོད་ཚོགས་ཕྱོགས་བཅུར་འཁྲིགས་བྱས་པས།། བསྐལ་པའི་མེ་འོད་སྲེག་བྱེད་ཚོགས།། བསྐལ་པའི་རླུང་དང་བཅས་པར་སྦྱོར།། མ
370a5 ལུས་སྣོད་བཅུད་ཁམས་རྣམས་ཀུན།། རྣམ་པར་དབེན་པས་དག་པ་ཉིད།། ཆུ་བོའི་རྒྱུན་ལྡན་མཐའ་ཡས་པ།། ཐམས་ཅད་ཀུན་ནས་སྡུད་པར་བྱེད།། མི་ཤིགས་རྡོ་རྗེའི་དཀྱིལ་འཁོར་ལ།། གར་ཐབས་ཕྱག་རྒྱའི་ཚོགས
370a6 རྣམས་ཀྱིས།། གཡས་ནས་བསྐོར་ཞིང་བསྲུང་བར་མཛད།། དེ་ནས་ཕྱག་རྒྱའི་དཀྱིལ་འཁོར་ཉིད།། ཧཱུཾ་སྟོབས་ཆེན་ལྷ་དང་ཀླུར་བཅས་པ།། གནོད་སྦྱིན་སྲིན་པོ་བགེགས་ཀྱི་ཚོགས།། ཤ་ཟ་འབྱུང་པོ་མཁའ་འགྲོའི
iiif viewer powered by OpenSeadragon
