| e-texts navigator |
| Wylie |
369a1 མཛད་པ།། བླ་མེད་རྒྱལ་བ་ཐམས་ཅད་ཀྱིས།། དངོས་གྲུབ་མཆོག་ལ་སྦྱོར་བ་དང་།། གསང་མཆོག་འབྲས་བུའི་རིགས་ཀུན་གྱི།། བྱ་བ་ཆེན་ཟའ་དོན་རྫོགས་པ།། ཐམས་ཅད་གཟུང་བ་བླ་ན
369a2 མེད།། ཡང་དག་ཡེ་ཤེས་བློ་གྲོས་མཆོག། སྔགས་རྒྱུད་ཐེག་པའི་ཚུལ་རྫོགས་པས།། དཀྱིལ་འཁོར་གནས་ཀུན་བལྟ་བྱ་སྟེ།། བྱ་བ་ཀུན་རྫོགས་དོན་ཆེན་བརྩམ།། ས་གཞི་ཕྱོགས་མཚམས་སྟེང་འོག་དག། བརྡལ་ཞིང
369a3 སྦྲང་དང་བསྐོར་བ་དང་།། རབ་ཏུ་བརྩེགས་པའི་ལྗོངས་དང་བཅས།། གཡས་སུ་འཁྱིལ་ཞིང་འགྱེད་པ་ཡི།། པདྨ་བརྩེགས་དང་འཁོར་ལོའི་དབྱིབས།། བར་ཆད་གནོད་བྱེད་མི་གནས་པའི།། སྔོན་བྱུང་གྲུབ་པའི་བཀྲ
369a4 ཤིས་མཆོག། ཡང་དག་བརྟགས་ཏེ་ཤིས་པའི་སར།། ཡུལ་གྱི་བདག་པོ་སྣང་བ་དང་།། མི་སྣང་དག་ལ་བསླངས་བྱས་ཏེ།། རིན་དང་རྫས་ཀུན་མཉེས་པར་འབུལ།། ཕྱི་དང་ནང་གི་བྱ་བ་ཡིས།། རྣམ་པར་བརྟགས་ཤིང
369a5 སྦྱངས་བྱས་ཏེ།། དཀྱིལ་འཁོར་ཆེན་པོའི་ཚད་ཀྱིས་ནི།། ཕྱོགས་མཚམས་ཀུན་ཏུ་རྣམ་པར་གཞལ།། ཡང་དག་དབེན་པའི་གནས་ཉིད་དུ།། མི་ཤིས་མཚན་མའི་སྐྱོན་བསལ་ཞིང་།། དྲི་ཞིམ་སྔགས་ཀྱི་ཆུ་གཏོར་ཏེ།། ས
369a6 བརྙན་བཟང་པོ་ལ་སོགས་རྫས།། རིན་ཆེན་སྨན་འབྲུའི་རྣམ་པ་དང་།། དྲི་མཆོག་རབ་ཏུ་སྦྱངས་པ་ཡིས།། དེ་ཉིད་དཀྱིལ་འཁོར་ཇི་ལྟ་བར།། ཕྱོགས་མཚམས་གནས་ཀུན་བརྒྱན་བྱས་ཏེ།། རབ་ཏུ་མཉམ་ཞིང་ཡིད་འོང
iiif viewer powered by OpenSeadragon
