| e-texts navigator |
| Wylie |
368b1 ཞིང་།། དངོས་གྲུབ་ཕྲིན་ལས་མཐུན་པའི་ཕྱིར།། དེ་ཉིད་རིགས་ཀྱི་མཚན་ལྡན་པས།། དངོས་གྲུབ་མཐའ་ཡས་ལས་རྣམས་འགྲུབ།། གྲོང་ཁྱེར་ཡུལ་འཁོར་བཟང་པོ་དང་།། སྐྱེད་ཚལ་བ་གླང་ལྷས་དག་དང་།། རི་བོ
368b2 ནགས་ཚལ་སྤང་ཤོང་ཉིད།། རྒྱ་མཚོའི་ངོགས་དང་ལུ་མའི་ཕུགས།། སྦྱོར་བའི་བཀོད་པའི་གནས་རྣམས་སུ།། དཀྱིལ་འཁོར་བཟང་པོ་བརྩམ་པའི་ཕྱིར།། ཕུན་སུམ་ཚོགས་པའི་གནས་འཇུག་བྱ།། ཐོག་མར་རྡོ་རྗེ་སློབ
368b3 དཔོན་བཟང་།། སྐུ་གསུང་ཐུགས་ཀྱི་གསང་བའི་བདག། སངས་རྒྱས་ཐེག་པ་ཀུན་ལྡན་པས།། སྙིང་རྗེ་ཆེར་ལྡན་འགྲོ་དྲུག་བཟུང་།། མངོན་པར་སྒྲོལ་བའི་ལམ་ཀུན་གྱིས།། བྱ་བ་ཆེན་པོ་གཞན་དོན་སྤྱོད།། ཐབས
368b4 ཀྱི་ཐེག་པ་ཀུན་ལྡན་ཞིང་།། ཤེས་རབ་ཆེན་པོའི་བདག་ཉིད་ཅན།། བློ་གྲོས་དྲི་མ་མེད་པ་ཡིས།། མྱ་ངན་འདས་ལམ་མངོན་པར་སྦྱོར།། གསང་བའི་རྒྱུད་རྣམས་ཚུལ་ཤེས་ཤིང་།། དེ་དག་དོན་རྣམས་བསྒྲུབ
368b5 ནས་སྤྱོད།། དཀྱིལ་འཁོར་ཆེན་པོའི་ལམ་ལ་མཁས།། དམ་པས་བསྔགས་པའི་གདམས་ངག་དང་།། དེ་ཉིད་རྡོ་རྗེ་སློབ་དཔོན་མཆོག། རབ་ཏུ་བཟུང་བར་འོས་པ་ཡི།། སངས་རྒྱས་ཀུན་གྱི་སྟོན་པའི་གནས།། ཐོག
368b6 མར་བློ་གྲོས་ཀུན་ལྡན་པས།། དམ་པའི་རྫས་རྣམས་ཕུན་སུམ་ཚོགས།། མ་ལུས་འགྲོ་རྣམས་ཀུན་སྒྲོལ་བའི།། ཡང་དག་ལྷ་ལ་གསོལ་བ་གདབ།། དམ་ཚིག་ཆེན་པོའི་དཀྱིལ་འཁོར་འདིར།། མ་ལུས་འགྲོ་རྣམས་སྒྲོལ
iiif viewer powered by OpenSeadragon
