| e-texts navigator |
| Wylie |
368a1 ཀུན་ནས་དགའ་བའི་གསུང་གིས་ཐམས་ཅད་མངོན་པར་བརྗོད་དོ།། རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བའི་སྙིང་པོ་དེ་ཁོ་ན་ཉིད་རོལ་པ་ཆེན་པོའི་རྒྱུད་ལས།། ཏིང་འཛིན་གྱི་དཀྱིལ་འཁོར
368a2 བསྟན་པའི་ལེའུ་སྟེ་ལྔ་པའོ།། །། དེ་ནས་བྱང་ཆུབ་སེམས་རྣམས་ཀྱིས།། གཉིས་མེད་ཡེ་ཤེས་མངོན་རྫོགས་པར།། ཐེག་པའི་ལམ་མཆོག་སྤྱད་པའི་ཚུལ།། བསོད་ནམས་ཡེ་ཤེས་རྒྱ་ཆེན་པོ།། སངས་རྒྱས་ཀུན
368a3 གྱི་གསང་བ་ཉིད།། མ་ངེས་འགྲོ་རྣམས་སྨིན་བྱེད་དང་།། དེ་ནས་ཡང་དག་འཁོར་ལོའི་མཆོག། ཐོག་མའི་གནས་འབྱུང་རྫོགས་པ་ཉིད།། ཅི་འདྲ་གང་ཞིག་མངོན་པར་བསྔགས།། ཐམས་ཅད་སྤྱོད་པའི་གནས་རྣམས
368a4 ཀྱིས།། འཁོར་ལོ་ཆེན་པོ་ཇི་ལྟ་བུ།། ཐབས་མཁས་བྱང་ཆུབ་སེམས་བཅས་པས།། རབ་ཏུ་བརྩེ་བས་བཤད་པར་མཛོད།། དཀྱིལ་འཁོར་ས་གཞི་བཟང་པོ་འདིར།། ཕོ་བྲང་མངོན་པར་རྒྱས་པ་ཉིད།། སྟོན་པས
368a5 དགོངས་པའི་དོན་བཞིན་དུ།། ཐབས་ཀྱི་ཕྱག་རྒྱ་གསལ་བར་མཛད།། མངོན་པར་བསྔགས་པའི་སྔགས་མཆོག་ནི།། ཀུན་ནས་མེ་ཏོག་ཕྲེང་བས་བརྒྱན།། དབྱིབས་དང་ཆུ་བོ་འཁྱིལ་བའི་ཚུལ།། སྨན་དང་ཡོ་བྱད་ཕུན
368a6 སུམ་ཚོགས།། ཕྱི་ནང་ཉེས་པའི་ཚོགས་བྲལ་བ།། དེ་དག་མངོན་པར་བསྔགས་པའི་གནས།། དགོན་པ་ཆེན་པོའི་ས་རྣམས་ནི།། ཕྱོགས་མཚམས་ཆ་ཡིས་རྣམས་ཕྱེ་བ།། རབ་ཏུ་འགོལ་བར་དབེན་འགྱུར
iiif viewer powered by OpenSeadragon
