| e-texts navigator |
| Wylie |
367a1 མཛེས།། ཁམས་གསུམ་ལས་རྣམས་རྫོགས་པར་བྱེད།། དེ་དག་ཡུལ་ཀུན་རྣམ་དག་པའི།། སྐུ་ཡི་དཀྱིལ་འཁོར་རྒྱ་ཆེན་པོ།། འདུལ་བཅས་རིགས་ཀྱི་འཁོར་ལོ་བསྒྱུར།། བརྗོད་པའི་གསང་སྔགས་ཕྲེང
367a2 བའི་རྒྱུན།། གསུང་གི་ཕྱག་རྒྱ་ཆོས་ཀྱི་གནས།། རྩ་སྔགས་སྙིང་པོའི་སྔགས་རྣམས་དང་།། ཉེ་བའི་སྙིང་པོ་རིག་པར་བཅས།། དམ་ཚིག་ཕྱག་རྒྱ་བརྟན་བྱེད་པའི།། རྡོ་རྗེ་བཅིངས་པའི་ཁྱད་པར་ལ།། རིག་པའི་ཡི་གེ་སྤྲོ
367a3 ཞིང་བསྡུ།། རྟེན་བྱེད་ཡེ་ཤེས་ཀུན་གྱི་བདག། ཀུན་ཏུ་ལས་རྣམས་ཐོགས་མེད་པའོ།། རྡོ་རྗེ་ཁུ་ཚུར་བརྟན་པའི་བདག། དེ་དག་ཕྲིན་ལས་ཀུན་གྱི་གནས།། ལས་ཀྱི་ཚོགས་རྣམས་རྫོགས་བྱེད་པའོ།། ཐབས་དང་ཤེས
367a4 རབ་འཁྲིལ་བ་ཡི།། ཕྱག་རྒྱའི་ཡེ་ཤེས་རྫོགས་པ་ཉིད།། བྱང་ཆུབ་སེམས་ཀྱི་སྤྲིན་དག་ལས།། མ་ལུས་ཀུན་འབྱུང་རོལ་པའི་ཚུལ།། མི་བསྐྱོད་རྡོ་རྗེ་རྩེ་ལྔ་པ།། ཟླ་བའི་ཐིག་ལེ་ཡི་གེ་དངོས།། རིན་ཆེན་འབར་བའི་ཉི
367a5 ཟླ་3།། ཟླ་བའི་ཐིག་ལེ་ཡི་གེ་ཉིད།། ཐིག་ལེ་ཐབས་ཤེས་ལྔ་གཉིས་རྣམས།། སྨད་པའི་དུས་ལ་སྣང་བ་ཡི།། ཕྱག་རྒྱ་ཆེན་པོའི་དངོས་གྲུབ་འབྱུང་།། དབྱིངས་དང་ཡེ་ཤེས་བདག་པོ་ཅིད།། མོ་དང་ནརྀ་དུ་རང་བཞིན
367a6 གནས།། ཏྭ་དང་ཐིག་ལེའི་འདབ་མ་རྣམས།། རང་གི་གནས་སུ་བསྣོལ་མར་འགྱུར།། རབ་ཏུའང་འདྲེས་པར་གྱུར་པ་ལས།། རྒྱལ་བའི་ཡེ་ཤེས་བདེ་ཆེན་པོ།། མྱོང་ཕྱིར་ཐོབ་པ་ཞེས་སུ་གསུངས།། ཐིག་ལེ་བཞི་བསྡུས
iiif viewer powered by OpenSeadragon
