| e-texts navigator |
| Wylie |
366a1 གཉིས་སོགས་བཞི་པོ་དང་།། མི་ཕྱེད་ཕྲག་དོག་རྡོ་རྗེའི་སྔགས།། དབྱིངས་སུ་སྐྱོབ་པས་དགའ་མར་བརྗོད།། ལས་ཀྱི་བདེ་བས་སྒེག་པ་ནི།། ཆགས་པའི་དམ་ཚིག་དུས་ཡིན་ནོ།། སླར་ཡང་ལན་གྱིས
366a2 འབྲེལ་བས་ནི།། གཉིས་ཀ་དགྱེས་པའི་མཆོག་ཏུ་བཤད།། ཧ་དང་སི་ཡི་བདེ་སྒྲ་དག། བདག་གིས་ཆགས་པ་ཐོབ་པའོ།། ཤིན་ཏུ་བསྐྱོད་པའི་བདེ་བ་ཉིད།། ཀུན་ནས་བསྐྱོད་པ་རླུང་ཞེས་བྱ།། ཐམས་ཅད་གསལ་བར
366a3 རྣམ་པར་སྟོན།། མ་ལུས་བསྙེན་པའི་སྔགས་དང་བཅས།། ཀུན་གྱི་ཚོར་བ་རྟོག་བྱེད་ཅིང་།། ཡང་དག་མྱོང་བ་ཆེན་པོའི་ཡུལ།། དོན་ཀུན་སྟོན་པའི་གནས་རྫོགས་པར།། རབ་ཏུ་སྙན་པའི་སྒྲ་དང་བཅས།། དྲི་ཞིམ་ཡུལ
366a4 ཀུན་གསལ་བ་ཡི།། མྱོང་བའི་དབང་བ་དངོས་བདག་ཉིད།། གཉིས་འདྲེས་འཛིན་པ་ཞེས་བྱ་སྟེ།། དེ་ཉིད་ཕྱེ་བ་ལས་བྱུང་བའོ།། མེ་ཏོག་བསྡུས་པའི་ངོ་བོ་ཉིད།། བདག་པོའི་ཞལ་དུ་ཐིམ་པར་བཤད།། ཤིན་ཏུ་བསྡམ
366a5 པའི་རིམ་ལས་བྱུང་།། གསལ་བའི་ཡེ་ཤེས་བདེ་བ་ཆེ།། ཀུན་གསལ་བརྗོད་དང་འདྲ་བའི་སྒྲ།། གཉིས་མེད་ཐུགས་སུ་ཤེས་པར་བྱ།། རྣམ་ཤེས་གསུམ་འདས་རྡོ་རྗེ་ནི།། ཡེ་ཤེས་ལྔ་རྫོགས་ཐུགས་ཉིད་དོ།། དབྱིངས
366a6 གསུམ་རྣམ་དག་འདུས་མ་བྱས།། ཀུན་ཏུ་དེ་བཞིན་གནས་བྱེད་པའོ།། མི་གཉིས་རྫོགས་པའི་ཏིང་ངེ་འཛིན།། ཤེས་རབ་དབྱིངས་ལས་ཕྱག་རྒྱའི་སྐུ།། གྲགས་པ་ཀུན་བདག་གསང་སྔགས་ཏེ།། མི་ཤིགས་ཐིག་ལེ
iiif viewer powered by OpenSeadragon
