| e-texts navigator |
| Wylie |
364a1 འཁོར་ཀུན་ཏུ་བྱིན་བརླབས་ཤིང་།། དེ་དག་སེམས་དཔའ་གསུམ་གྱིས་མཛེས།། ཡི་གེ་དཔའ་བོ་འབྲས་བུའི་སྔགས།། འོད་བཅས་འཁོར་ལོ་རྣམ་པ་བཞི།། ཇི་སྲིད་མཚན་མའི་རྫས་ལྡན་པར།། སྐུ
364a2 གསུང་ཐུགས་ཀྱི་ཕྱག་རྒྱས་བཟུང་།། བརྟན་པ་མ་གྱུར་མི་གཏོང་ཞིང་།། གསལ་ཞིང་རྫོགས་པས་ཀུན་ཏུ་སྤྲོ།། ཇི་ལྟར་འདོད་པའི་ལས་རྣམས་ཀུན།། ཆོ་ག་འདི་ཡིས་རྫོགས་པར་འགྱུར།། དེ་དག་ལྷ་རྣམས་ཀུན་གྱི
364a3 གནས།། རབ་ཏུ་རྫོགས་པའི་འཁོར་ལོའི་ཚུལ།། གསང་སྔགས་རྒྱལ་པོའི་ཕྲེང་བ་དག། རྣམ་གསུམ་ཕྱག་རྒྱའི་གནས་རྫོགས་པར།། མྱུར་དང་བུལ་བ་ལ་སོགས་ཀྱང་།། དོན་བཞི་བརྩམས་པས་དངོས་གྲུབ
364a4 མཆོག། རང་གི་ལྷག་པའི་ལྷ་གནས་དག། ཡང་དག་སྦྱོར་བས་བརྟན་པ་ཉིད།། སྐུ་དང་གསུང་ཐུགས་རྡོ་རྗེའི་མཆོག། ཡོན་ཏན་ཕྲིན་ལས་གནས་རྒྱས་པར།། ཕྱག་རྒྱ་བཟང་པོ་རྣམ་ལྔ་ལ།། ས་བོན་སྔགས་ཀྱི་ཕྲེང་བས
364a5 བརྒྱན།། རིགས་ལྔའི་བཟླས་བརྗོད་བརྩོན་ལྡན་པས།། རིམ་མམ་ཅིག་ཅར་རྫོགས་བྱས་ཏེ།། ནོར་བུ་གང་བར་གྱུར་པ་དག། པདྨའི་གནས་སུ་ཡང་དག་སྤྲོ།། སྤྱི་གཙུག་ལ་སོགས་རྣམ་ལྔ་དག། འཁོར་ལོའི་ཕྲེང་བ་ཇི
364a6 བཞིན་དུ།། ཡང་དང་ཡང་དུ་སྦྱོར་བར་བྱ།། ལས་ཀུན་དང་པོ་ལས་སྦྱོར་བས།། དང་པོའི་སེམས་ཙམ་སྦྱངས་བྱས་ཏེ།། དང་པོའི་མཚན་མ་མ་རྫོགས་པར།། ཡང་དང་ཡང་དུ་བསླབ་པར་བྱ།། རིམ་གྱིས་ཡེ་ཤེས་ལ
iiif viewer powered by OpenSeadragon
