| e-texts navigator |
| Wylie |
362b1 ཟེར་ལྔ་ཡི་མདངས།། གནས་བརྒྱད་ཡི་གེའི་ཕྲེང་བས་མཛེས།། ཤེས་པ་བརྒྱད་གནས་ཡེ་ཤེས་རྫོགས།། བྱ་བ་ཆེན་པོའི་དོན་ཀུན་སྟོན།། དེ་དག་སྐྱེ་དང་འགག་པ་དང་།། ཡང་དག་སྦྱངས་པས་ཀུན་གྲོལ
362b2 ཞིང་།། གཉིས་མེད་ཡེ་ཤེས་བརྟན་པའི་ཚུལ།། སྒྲ་གནས་བརྗོད་པའི་ཚུལ་ལྡན་པས།། གསང་གསུམ་དམ་ཚིག་སྔགས་ཀྱི་གནས།། བཅུ་དྲུག་བདུད་རྩི་འཛག་པ་ཡི།། དཀར་དམར་འོད་ཟེར་ཕྲེང་བ་ཅན།། ཨཱཾ་ཡིག
362b3 དབྱངས་ཀྱི་ཡི་གེ་རྒྱས།། ཀུན་འབྱུང་བརྗོད་པས་ཡི་གེ་སྟེ།། སྒྲོ་དང་བསྡུ་བས་དག་པའི་ཚུལ།། མི་འགྱུར་བསྟན་པའི་ཐིག་ལེ་ཉིད།། ཧཾ་ཡིག་སྙིང་པོ་བྱང་ཆུབ་སེམས།། ཟླ་བའི་དཀྱིལ་འཁོར་ལ་གནས་ཤིང་།། ཀུནྡ
362b4 ང་གི་འོད་གསལ་མདངས།། སུམ་ཅུ་རྩ་གཉིས་ཡི་གེའི་ཚོགས།། འཁོར་ལོའི་གནས་ལ་སྙོམས་འཇུག་ཅིང་།། རང་གི་དཀྱིལ་འཁོར་བརྟན་བྱེད་པའོ།། དགའ་དང་རྗེས་སུ་དགའ་བ་དང་།། དགའ་བྲལ་ལྷན་ཅིག།
362b5 སྐྱེས་པ་ཡི།། ཡན་ལག་ཆ་ཤས་ཀུན་རྫོགས་པའོ།། གནས་སྐབས་ཆོས་ཀྱི་བྱེ་བྲག་གིས།། དངོས་གྲུབ་ཕྲིན་ལས་བརྟན་བྱེད་ཅིང་།། འདོད་པའི་ཡུལ་ཀུན་རྣམ་པར་སྦྱང་།། ཐ་དད་དོན་རྫོགས་རྣམ་དག་པའི།། ཡེ་ཤེས
362b6 དྲག་རིམ་གྱིས་རྫོགས།། གཡས་དང་གཡོན་གྱི་སྦྱོར་བ་ལས།། ཨཱ་ལི་ཀ་ལིའི་གནས་རྫོགས་ཏེ།། ཉི་ཟླའི་འོད་ཟེར་འཕྲོ་བ་དག། རབ་ཏུ་གོམས་པས་དཀྱིལ་འཁོར་རྫོགས།། བདེ་ཆེན་སྡིག་བྲལ་གཟུགས་སུ
iiif viewer powered by OpenSeadragon
