| e-texts navigator |
| Wylie |
362a1 མིང་ཚོགས་སུམ་ཅུ་གཉིས།། ཐིག་ལེ་འོད་ཟེར་སྣ་ཚོགས་དང་།། རབ་ཏུ་ཞུ་བས་བདེ་ཆེན་དབྱིངས།། ཇི་སྲིད་བརྟན་པར་གནས་པའི་དུས།། ཀུན་འཛིན་ཡི་གེས་སྡོམ་བྱེད་ཅིང་།། དབབ་དང་འཁྱིལ་དང
362a2 སྤྲོ་བ་དང་།། སླར་བསྡུས་ཡང་དག་ཡེ་ཤེས་གནས།། ཐབས་དང་ཤེས་རབ་སྙོམས་འཇུག་རྣམས།། ཉི་ཤུ་རྩ་ལྔའི་བྱེ་བྲག་རྫོགས།། དོན་ཀུན་གསང་བ་ཇི་བཞིན་ཉིད།། བྱ་བ་ཆེན་པོས་གཞན་རྒྱུད་སེལ།། ཙོག་པུ་རུས
362a3 སྦལ་གསུམ་སོགས་ཀྱིས།། གཉིས་མེད་འཁྲིལ་བའི་ཆ་ལུགས་དག། མཐར་གནས་དབང་པོ་གཞན་དུ་བསྒྱུར།། རིགས་ཀྱི་དཀྱིལ་འཁོར་རང་ཉིད་ཀྱི།། ཕྱག་རྒྱ་བདེ་བ་མཚན་མར་བཅས།། ཉོན་མོངས་གནས་ཀུན
362a4 གྲོལ་བྱེད་པ།། སྒྱུ་མའི་དཔེ་བྱད་ཡེ་ཤེས་ཉིད།། དང་པོའི་སངས་རྒྱས་བཟང་པོ་ལ།། རིགས་རྣམས་རྫོགས་པས་དབུ་བརྒྱན་ཅིང་།། ཐུགས་ཀྱི་དཀྱིལ་འཁོར་རྣམ་པར་དགོད།། མེ་རླུང་སྦྱོར་བས་བསྐུལ་བྱས་ཏེ།། ཐིག
362a5 ལེ་འོད་ཟེར་གྱེན་འབར་བས།། སྨིན་བྱེད་ཁྱབ་པ་བདེ་བའི་མཆོག། རང་གི་གནས་སུ་རྣམ་པར་འཁྱིལ།། སྤྲུལ་པའི་འཁོར་ལོ་ཆེར་རྒྱས་སོ།། འོད་དམར་ཆགས་པའི་རི་མོ་ཅན།། ཨཱཾ་ཡིག་སྔགས་ཀྱིས་ཕྲེང་བས
362a6 ནི།། དྲུག་ཅུ་རྩ་བཞིའི་གནས་རྣམས་སུ།། བདེ་ཆེན་ཐིག་ལེའི་ཚུལ་བཞུགས་ཤིང་།། དེ་མིང་བོར་བའི་སྒྲ་དང་བཅས།། ཐབས་ཀྱི་ཚུལ་གྱིས་རྣམ་པར་སྤགས།། ཆོས་ཀྱི་དཀྱིལ་འཁོར་ཧཱུཾ་གིས་རྫོགས།། དཀར་སེར་འོད
iiif viewer powered by OpenSeadragon
